TRENDING:
चिंबोरी रस्सा साहित्य:
चिंबोऱ्या (स्वच्छ केलेल्या), मोठे कांदे 2 (बारीक चिरलेला), टोमॅटो 1 (बारीक चिरलेला), खोबऱ्याचं वाटण (भाजलेला खोबरं, लसूण, आले, जिरे, कोथिंबीर), आगरी मसाला (घरगुती लाल तिखट, गरम मसाला, हळद), सुकवलेला आंबा /चिंचेचा कोळ, बेसन (आवश्यकतेनुसार)
मीठ, तेल हे साहित्य लागेल.
फक्त एक आवळा आणि १० आजार पळवून लावा! हिवाळ्यात 'या' वेळी आवळा खाण्याचे चमत्कारिक फायदे !
advertisement
चिंबोरी बनवण्याची कृती:
तयारी: स्वच्छ केलेल्या चिंबोऱ्यांना हळद आणि मीठ लावून घ्या. खोबऱ्याचं वाटण तयार करा.
वाटण परतणे: कढईत तेल गरम करून त्यात कांदा मऊ होईपर्यंत परता. नंतर टोमॅटो घालून तेल सुटेपर्यंत परता.
मसाले घालणे: यात तयार वाटण, हळद, गरम मसाला, लाल तिखट घालून तेल सुटेपर्यंत चांगले परता.
बेसन मिसळणे: आता चिंचेचा कोळ आणि गरजेनुसार बेसन घालून एकजीव करा. मिश्रण थोडे घट्ट होऊ द्या.
चिंबोरी भरणे (पर्यायी): तयार वाटण थंड करून चिंबोऱ्यांमध्ये भरा.
रस्सा बनवणे: परतलेल्या मसाल्यात आवश्यकतेनुसार पाणी (गरम पाणी उत्तम) आणि मीठ घालून उकळी आणा.
शिजवणे: भरलेल्या चिंबोऱ्या किंवा अख्ख्या चिंबोऱ्या रस्स्यात सोडा आणि चिंबोरी शिजेपर्यंत आणि रस्स्याला चांगली चव येईपर्यंत शिजू द्या.
सर्व्ह करणे: गरमागरम चिंबोरीचा झणझणीत रस्सा भाकरी, चपाती किंवा भातासोबत खा.