अमरावतीमधील सायन्स स्कोअर मैदानावर आयोजित केलेला हा उत्सव मेळा बघण्यासाठी 30 रुपये प्रति व्यक्ती असे तिकीट दर आहे. आत जाण्याच्या आधी काउंटरवर आपल्याला तिकीट घ्यावी लागते. त्यानंतर आत प्रवेश मिळतो. आत गेल्यानंतर सर्वात आधी आपल्याला फिश टनलच्या तिकिटाचे काउंटर दिसेल. ज्याची तिकीट 100 रुपये प्रति व्यक्ती इतकी आहे. या उत्सव मेळ्याचे खास आकर्षण ठरलेले हे फिश टनल अतिशय सुंदर आहे. विविध प्रकारच्या फिश तुम्हाला याठिकाणी बघायला मिळेल. त्यानंतर आणखी समोर गेलं की छोट्या मुलांसाठी वेगवेगळ्या प्रकारची खेळणी आपल्याला बघायला मिळतात. छोट्या मुलांसाठी नवनवीन प्रकारचे पाळणे सुद्धा त्याठिकाणी आहेत. त्याचबरोबर शालेय साहित्य आणि इतर अनेक साहित्य अगदी 10 रुपयांपासून उपलब्ध आहेत.
advertisement
उन्हामुळे AC चा होतोय 'स्फोट'! तुमचा AC सुरक्षित आहे का? वेळीच घ्या 'ही' काळजी, नाहीतर..
लाकडी शोभेच्या वस्तू अगदी कमीत कमी किंमतीत
महिलांसाठी घरगुती वापराचे साहित्य, पर्सेस आणि इतरही अनेक वस्तू याठिकाणी उपलब्ध आहेत. लाकडी वस्तूमधील आरसा, किचेन, घरगुती वापराच्या वस्तू आणि शो पिस सुद्धा परवडेल अशा किमतीत उपलब्ध आहेत. उन्हाळी वाळवणातील सुद्धा अनेक पदार्थ याठिकाणी आहेत. आकाश पाळणा, मौत का कुआ, पन्नालाल आणि वेगवेगळ्या प्रकारचे सर्व पाळणे याठिकाणी आहेत. त्यासाठी तिकीट दर त्याच्या काउंटरवर लिहलेले आपल्याला दिसतात.
विविध खाण्याचे पदार्थ
संपूर्ण मेळा फिरून झाल्यानंतर भूक तर लागणारच. तर त्यासाठी वेगवेगळ्या प्रकारचे अन्नपदार्थ सुद्धा त्याठिकाणी आहेत. शेगाव कचोरी, मसाला पापड, फ्रूट सॅलड, पावभाजी, डोसा आणि बरच काही येथे तुम्हाला मिळेल. सर्वात शेवटी तुम्हाला पाहिजे तसे पान सुद्धा ठिकाणी मिळेल. दिवसभराचा थकवा घालवण्यासाठी आणि मनोरंजनासाठी हा उत्सव मेला अतिशय उपयुक्त आहे.
हा मेळा नेमका आहे तरी कुठे?
अमरावती मेन बसस्टॉप जवळ सायन्स स्कोअर मैदान याठिकाणी हा उत्सव मेळा आयोजित केला आहे. तुम्ही कधीही भेट देऊन बघा.