मुंबईतील दादर, माटुंगा, शिवाजी पार्क, माहीम, प्रभादेवी आणि करी रोड परिसरातील मिठाईची दुकानं सध्या ग्राहकांनी गजबजलेली दिसत आहेत. पारंपरिक उकडीच्या मोदकांबरोबरच चॉकलेट, बटरस्कॉच या फ्लेवरच्या मोदकांना मागणी वाढली आहे. विशेषत: तरुणाई आणि लहान मुलांना विविध फ्लेवरचे मोदक आवडत आहेत. ड्रायफ्रुट्सचे मोदक जास्त दिवस टिकतात, म्हणून या मोदकांची मागणी देखील वाढली आहे.
advertisement
Lemon Rate: पितृपक्षात लिंबाचा आंबटपणा वाढणार? एका लिंबाची किंमत 10 ते 20 रुपये होण्याची शक्यता
मोदकांचे भाव
माव्याचे साधे एक किलो मोदक 800 रुपयांपासून तर विविध फ्लेवरचे ड्रायफ्रुट्स मोदक 1000 रुपयांपासून पुढे मिळत आहेत. एक किलो प्रीमियम मोदकांसाठी 1200 ते 2500 रुपये मोजावे लागत आहेत. पारंपरित उकडीचे मोदक 30 ते 70 रुपये प्रति नग याप्रमाणे मिळत आहेत.
विक्रेत्यांनी दिलेल्या माहितीनुसार, काजू, बदाम, पिस्ता, चॉकलेट, मलाई, बटरस्कॉच आणि ड्रायफ्रुट्सचे मोदक ग्राहकांसाठी आकर्षण ठरत आहेत. दररोज शेकडो किलो मोदक विकले जात असून पुढील दोन दिवसांत ही मागणी आणखी वाढेल. मिठाईच्या विविध दुकानांनी मिळून अवघ्या एका आठवड्यात 10 टनांपेक्षा अधिक मोदकांची विक्री केली आहे.