नागपुरातील रामदास पेठ येथे असलेल्या सोमलवर प्राथमिक शाळेत रेखा सरदार या शिक्षिका म्हणून कार्यरत आहेत. रेखा यांना लहानपणापासूनच गाण्याची आवड होती. घरी आई उत्तम गात असल्याने त्यांच्या कडूनच ही आवड माझ्यापर्यंत आली. ईश्वराच्या कृपेने चांगला स्वर मला लाभला आहे. रोज शाळेत गाडीने ये - जा करत असताना प्रवासात गाणे गुणगुणण्याचा मला छंद जडला. प्रवासाचा आनंद देखील त्यातून मला मिळत होता, असं रेखा सांगतात.
advertisement
गावात जायला रस्ता नाही पण बीडच्या अविनाशनं केला गोल्ड मेडलचा अडथळा पार!
विद्यार्थ्यांना शिकवताना मिळाली प्रेरणा
शाळेतील विद्यार्थ्यांना मी स्कॉलरशिपसाठी शिकवते. यात मिरर इमेज हा भाग आहे. मिरर इमेज शिवतानाच मला उलट लिहण्याची कल्पना सुचली. त्यासाठी मी सराव सुरू केला. सरावातून मला उलट हिलण्याची कला अवगत झाली. गाण्याचीही कला मी अशीच सरावाने अवगत केली, असे रेखा सांगतात.
11 भाषेत गातात उलट गाणं
गाणे गात असतानाच काही तरी वेगळं करावं, असा विचार करताना उपजत ईश्वराने दिलेल्या उत्तम स्वराचा आपण वापर करून उलट गाणं गाऊन बघावं असा संकल्प केला. रोजच्या प्रवासातून मला उलट गाणं गाण्याची कल्पना सुचली. मी तसा प्रयत्न सुरू केला. प्रयत्नातून आणि नियमित सरावानं ही कला मी विकसित केली. आज मी तब्बल 11 भाषेत उत्तम गाणं गावू शकते, अशी माहिती रेखा सरदार यांनी दिली.
दादर स्टेशनवर रोज प्रवाशांची मदत करणारा मुंबईकर पाहिलाय? जाणून घ्या हेतू
इंडिया बुक ऑफ रेकॉर्डमध्ये नोंद
सुरुवातीला मी माझ्या व्यक्तिगत आनंदासाठी ही कला जोपासली. मात्र, अल्पावधीतच त्याचे साऱ्यांनी कौतुक केलं आणि मला अनेकांनी प्रोत्साहित केलं. आज माझ्या या छंदाची नोंद इंडिया बुक ऑफ रेकॉर्ड, सावित्रीबाई फुले बेस्ट अवॉर्ड सारख्या अनेक पुरस्कार प्राप्त झाले आहेत. यासह मी मुंबई, पुणे सारख्या मोठ्या शहरात देखील गाण्याचे कार्यक्रम केले आहे, असे रेखा सांगतात.
छंदातून इतरांना प्रोत्साहन
शाळेतील विद्यार्थ्यांकडून मला नवीन गाण्यांची नावे कळत असतात. त्यांच्याकडून मी नवी गाणे गाण्याचा देखील प्रयत्न करत असते. दैनंदिन जीवनात आपण प्रगतीच्या वाटेवर स्वार होऊन सुसाट वेगाने पुढे जात आहोत. मात्र, सुखाची व्याख्या जरी प्रत्येकाची वेग वेगळी असली तरी कला किंवा कुठलातरी छंद माणसांचे आयुष्य समृद्ध करत असतो. मी माझ्या या छंदाच्या रूपाने इतरांना देखील छंद जोपसण्यासाठी प्रोत्साहित करते, अशी माहिती रेखा सरदार यांनी दिली.