TRENDING:
नागपूर : नागपूरच्या जिल्हा व सत्र न्यायालयाने ब्रह्मोस एरोस्पेस प्रायव्हेट लिमिटेडचे माजी शास्त्रज्ञ निशांत अग्रवाल याला जन्मठेपेची शिक्षा सुनावली आहे. या महिन्याच्या सुरुवातीलाच न्यायालयाने हा निकाल दिला.
पाकिस्तानची गुप्तचर संस्था आयएसआयला संवेदनशील माहिती पुरवल्याचा आरोप निशांत अग्रवालवर आहे. अनेक पुरस्कार जिंकणाऱ्या निशांतने ब्रह्मोस क्षेपणास्त्रे बनवणाऱ्या नागपूर युनिटमध्ये काम केले. त्याच्यावर भारतीय दंड संहितेच्या विविध तरतुदी आणि कठोर OSA अंतर्गत गुन्हा दाखल करण्यात आला होता. IT कायद्याच्या कलम 66 (F) आणि अधिकृत गुप्तता कायद्याच्या विविध कलमांखाली दंडनीय गुन्ह्यासाठी न्यायालयाने निशांतला फौजदारी प्रक्रिया संहितेच्या कलम 235 अन्वये दोषी ठरवले.
advertisement
उत्तर प्रदेश एटीएसचे तपास अधिकारी पंकज अवस्थी यांनी निशांतच्या खटल्यादरम्यान दिलेल्या जबाबात सांगितले होते की, 'सेजल' नावाच्या महिलेने निशांतशी पाकिस्तानातून फेसबुक अकाउंटद्वारे संपर्क साधला होता. या अकाऊंटवरून त्याने पाकिस्तानी हेर आणि निशांत अग्रवाल यांच्याशी गप्पाही मारल्या. तपासादरम्यान, चॅटवरून उघड झाले की कथित महिला पाकिस्तानी हेरांच्या गटाचा एक भाग होती जी भारतातील संरक्षण कर्मचाऱ्यांना अडकवते आणि त्यांच्याकडून संरक्षण डेटा आणि टिप्स गोळा करते.
Vegetables price : भाज्या महागल्या, पुण्यात किलोचे दर शंभरी पार, काय आहे नेमकं कारण?
सेजलच्या सूचनेनुसार निशांत अग्रवालने तिने पाठवलेल्या लिंकवर क्लिक केले आणि 2017 मध्ये त्याच्या वैयक्तिक लॅपटॉपवर तीन ॲप्स स्थापित केले. हे ॲप्स होते: Qwhisper, Chat to Hire आणि X-trust.
हे तीन ॲप मालवेअर होते, ज्याद्वारे निशांतचा लॅपटॉप मधील डेटा चोरला होता. निशांतच्या लॅपटॉपमध्ये अनेक गोपनीय माहिती होती. निशांतच्या वैयक्तिक संगणकांवर ब्रह्मोस क्षेपणास्त्राशी संबंधित अनेक महत्त्वाची कागदपत्रे सापडल्याचा दावा तपासात करण्यात आला आहे, जे बीएपीएलच्या सुरक्षा नियमांचे उल्लंघन आहे.
असे म्हटले जाते की, निशांतने लिंक्ड-इनवर सेजलशी चॅटही केले होते. यामध्ये सेजलने कथितपणे यूकेच्या हेस एव्हिएशनमध्ये रिक्रूटर म्हणून ओळख दिली आणि निशांतला नोकरीची ऑफर दिली. निशांतला ऑक्टोबर 2018 मध्ये उत्तरप्रदेश आणि महाराष्ट्राच्या मिलिटरी इंटेलिजन्स (MI) आणि दहशतवाद विरोधी पथकाच्या (ATS) संयुक्त कारवाईत अटक करण्यात आली होती. ब्रह्मोस क्षेपणास्त्रे तयार करणाऱ्या भारत-रशिया संयुक्त उपक्रम BAPL च्या तांत्रिक संशोधन विभागात तो कार्यरत होता.