TRENDING:
याबाबत अधिक माहिती अशी, अर्णव हा पलूस येथील लक्ष्मणराव किर्लोस्कर विद्यालयाचा विद्यार्थी होता. मंगळवारी सकाळी तो सायकलच्या टायरमध्ये हवा भरण्यासाठी रस्त्याकडेच्या एका दुकानात गेला. हवा भरून शाळेकडे निघाला असताना, पलूस-आमणापूर रोडवर श्री बझारसमोर वेगाने आलेल्या डंपरने (क्र. एमएच 10 डीटी 8050) त्याच्या सायकलला जोराची धडक दिली. अर्णव डंपरच्या मागील बाजूच्या डाव्या चाकाखाली सापडला. डोक्याला आणि हाताला गंभीर दुखापत झाल्याने त्याचा जागीच मृत्यू झाला. घटनेमुळे पलूस शहरात हळहळ व्यक्त होत आहे.
advertisement
अग्निशमन दलाच्या अधिकाऱ्यावर प्राणघातक हल्ला, चाकू फुफ्फुसात अडकला, सांगली हादरलं
चालकाचे पलायन
अपघात घडल्यानंतर जखमी मुलाला मदत करण्याऐवजी किंवा पोलिसांना खबर देण्याऐवजी डंपर चालक वाहन घेऊन घटनास्थळावरून पसार झाला. पोलिस अज्ञात चालकाचा शोध घेत आहेत.
भरधाव वाहनांना आवर घालण्याची मागणी
निष्पाप अर्णवला जीव गमवावा लागला. तेव्हा डंपरचालकाने घटनास्थळावरून पलायन केले. बेदरकार वाहन चालकांमुळेच शहरातील रस्ते मृत्यू सापळे बनत असल्याची खंत नागरिकांकडून व्यक्त होत आहे. पलूस शहरातील मुख्य रस्त्यावरून अवजड वाहनांची भरधाव वाहतूक सातत्याने सुरू असते. शहरातील अरुंद रस्ते, सततची वाहतूक कोंडी यामुळे शाळकरी मुलांसह बाजारपेठेत जाणाऱ्या नागरिकांना अपघाताचा सामना करावा लागतो.