नवी मुंबईच्या मोठ्या भागाला पिण्याचे पाणी पुरवणारी 1700 मिमी व्यासाची मोरबे पाईपलाईन नेरुळ सेक्टर 46 मधील अक्षर बिल्डिंगजवळ पाम बीच रोडवरून जाते. पाईपलाईनच्या या भागात गेल्या काही महिन्यांत वारंवार गळती होत आहे. त्यामुळे पाण्याचा अपव्यय होत असून पुरवठ्यात व्यत्यय येत आहेत. त्यासाठी एनएमएमसीने सध्याच्य पाईपलाईनच्या बाजूला एक नवीन पाईपलाईन टाकली असून ती आता जोडण्यात येणार आहे.
advertisement
Mumbai Water Cut: ऐन पावसाळ्यात मुंबईत पाणीबाणी, कारण काय? कुठं राहणार पाणीपुरवठा बंद?
या भागात पाणीपुरवठा बंद
नवी मुंबई महापालिकेकडून पाईपलाईन दुरुस्ती काम हाती घेतले आहे. त्यामुळे नवी मुंबईतील बेलापूर, नेरुळ, वाशी, तुर्भे, सानपाडा, कोपरखैरणे, घणसोली आणि ऐरोली तसेच मुख्य पाईपलाईनशी थेट नळ जोडणी असलेल्या भागात पाणीपुरवठा बंद राहणार आहे. तसेच सिडको प्रशासित खारघर आणि कामोठे सारख्या भागातही पाणीपुरवठा खंडित होईल. शुक्रवारी सकाळी 10 वाजलेपासून ते शनिवारी पहाटे 4 वाजेपर्यंत पाणीपुरवठा बंद राहील. त्यानंतर पुरवठा पूर्ववत होण्याची अपेक्षा असून कमी दाबाने असेल.
दरम्यान, 18 तासांसाठी पाणीपुरवठा खंडित राहणार असल्याने नागरिकांनी पुरेसा पाणीसाठा करून ठेवावा. तसेच पुढील 3 दिवस पाण्याचा जपून वापर करावा, असे आवाहन नवी मुंबई महापालिकेच्या वतीने करण्यात आले आहे.