TRENDING:
असा आहे देखावा
मंडपाच्या बाहेर आकर्षक विद्युत रोषणाई करण्यात आली आहे. मंडपात प्रवेश करतानाच केदारनाथ येथील दृश्या प्रमाणे देखावा करण्यात आला आहे. मोठ्या प्रमाणात आर्टिफिशल कापसाचा वापर करून देखावा तयार करण्यात आला आहे. पार्वती मातेच्या रूपात दुर्गादेवी मोठ्या थाटात विराजमान आहे. देवीचा साज आणि सौंदर्य भाविकांच्या मनाला अतिशय प्रसन्न करणारं आहे. या ठिकाणी माळ जपताना ऋषी, महादेवाची पिंड आणि शिव लिंगावर फुलं अर्पण करताना गणपती बाप्पा दिसत आहेत. शिवलिंगाच्या बाजूला ऐटीत बसलेले नंदी देखील आहे.
advertisement
नवरात्रात गोंधळ का घातला जातो? काय आहे परंपरा पाहा Video
मंडळ कार्यकर्यांनी केली कल्पना
मागच्या वर्षी मंडळात बळीराजा या विषयावर देखावा तयार केला होता. यंदा केदारनाथ येथील देखावा सादर करण्यात आलाय. मंडळ कार्यकर्त्यांना हा देखावा तयार करण्यासाठी 15 दिवसांचा कालावधी लागला. तसेच संपूर्ण मंडळ कार्यकर्त्यांनी अहोरात्र मेहनत घेऊन हा आकर्षक देखावा तयार केला आहे. वर्धेकरांना नवरात्र म्हणजे दिवाळीच वाटते असे मंडळ कार्यकर्ते आनंद अवथळे यांनी सांगितलं. आर्टिफिशियल कापूस वापरल्यामुळे भक्तांना थेट केदारनाथला जाऊन देवीचे आणि महादेवाचे दर्शन घेतल्यासारखाच आनंद मिळतोय.
महाराष्ट्रातील 'हिंदुस्थानी' देवीचं मंदिर माहितीये का? ब्रिटिश काळाशी आहे संबंध, Video
भाविकांची जमतेय गर्दी
आर्वी नाका येथील दुर्गा मंडळातील देवीची ही आकर्षक मूर्ती मूर्तिकार शिवाजी राऊत यांनी तयार केली आहे. नवरात्रीतील नऊ ही दिवस वेगवेगळे कार्यक्रम मंडळात आयोजित केले जात आहेत. दरवर्षी प्रमाणे यावर्षी देखील दररोज आई जगदंबेचे दर्शन तसेच येथील आकर्षक विद्युत रोषणाई आणि मंडपातील नेत्रदीपक थाट बघण्यासाठी भक्तांची मोठी गर्दी जमतेय.
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)