Astrology: दिवाळीआधीच फटाके! आदित्य-मंगल राजयोग जुळून येत असल्यानं 3 राशींच्या नशिबाचे तारे चमकणार

13 ऑक्टोबर रोजी मंगळ तूळ राशीत प्रवेश करेल आणि 17 ऑक्टोबर रोजी ग्रहांचा राजा सूर्य देखील या राशीत येईल. त्यामुळे आदित्य मंगल राजयोग तयार होत आहे. या राजयोगाच्या निर्मितीमुळे जीवनात आनंद येईल, कामात धैर्य आणि आत्मविश्वास वाढू शकतो. हे विश्लेषण चंद्र राशीच्या आधारे केले जात आहे. जाणून घेऊया या स्थितीचा कोणत्या राशीच्या लोकांना भरपूर फायदा होऊ शकतो.

वैदिक ज्योतिषशास्त्रानुसार, ग्रहांचा अधिपती मंगळ 13 सप्टेंबर ते 27 ऑक्टोबर या कालावधीत तूळ राशीत राहणार आहे. त्याच वेळी, 17 ऑक्टोबर रोजी दुपारी 1:53 वाजता, सूर्य कन्या राशी सोडून तूळ राशीत प्रवेश करेल आणि 16 नोव्हेंबरपर्यंत या राशीत राहील. अशा परिस्थितीत, 17 ऑक्टोबर रोजी मंगळ आणि सूर्याच्या युतीमुळे आदित्य मंगल राजयोग तयार होत आहे.

मेष - या राशीच्या लोकांसाठी आदित्य मंगल राजयोग खूप फायदेशीर ठरू शकतो. या राशीत, मंगळ आणि सूर्याची युती सातव्या घरात असेल. याशिवाय, या राशीच्या लोकांना गुरूचाही पाठिंबा मिळत आहे. त्यामुळे दीर्घकाळापासून प्रलंबित काम पूर्ण होण्यासोबतच, व्यवसायातही नफा होईल. याशिवाय, नवीन काम सुरू करू इच्छिणाऱ्यांसाठी हा काळ अनुकूल ठरू शकतो. नशीब तुम्हाला खूप साथ देईल. यासोबतच, पदोन्नतीची दाट शक्यता आहे. मंगळाची चौथी दृष्टी कर्मभावावर पडत आहे, ज्यामुळे कामाच्या ठिकाणी यश मिळेल आणि संपत्तीत वाढ होईल. कुटुंबासोबत तुमचा वेळ चांगला जाईल.

वृषभ - मंगळ आणि सूर्याच्या युतीमुळे निर्माण होणारा आदित्य मंगल राजयोग या राशीच्या लोकांसाठी खूप फायदेशीर ठरू शकतो. हा राजयोग या राशीच्या सहाव्या घरात बनत आहे. अशा परिस्थितीत या राशीच्या लोकांना न्यायालयीन प्रकरणांमधून सुटका मिळू शकते. याशिवाय कुटुंबासोबतचा दीर्घकाळ चाललेला वादही दूर होऊ शकतो. गुरुच्या दृष्टीमुळे आजारांपासूनही सुटका मिळू शकते. स्पर्धा परीक्षांची तयारी करणाऱ्या लोकांना विशेष लाभ मिळू शकतात.

वृषभ - करिअरच्या क्षेत्रातही बरेच फायदे होऊ शकतात. नवीन नोकरीच्या शोधात असलेल्या लोकांना यश मिळू शकते. वैद्यकीय, संरक्षण आणि कायद्याशी संबंधित लोकांना अधिक लाभ मिळू शकतात. भाग्य घरात मंगळ दृष्टी पडल्याने तुम्हाला नशिबाची साथ मिळेल आणि तुमचे कष्ट फळाला येतील.

तूळ - या राशीच्या लग्नाच्या घरात आदित्य मंगल राजयोग तयार होत आहे. त्यामुळे या राशीच्या लोकांना नशिबाची पूर्ण साथ मिळू शकते. आत्मविश्वास, व्यवसाय आणि आर्थिक स्थितीसाठी हा काळ खूप अनुकूल असू शकतो. प्रलंबित पैसे मिळण्यासोबतच उत्पन्नाचे नवीन स्रोतही मिळू शकतात. नोकरी करणाऱ्यांसाठीही हा काळ फायदेशीर ठरू शकतो. तुम्ही प्रवास करू शकता. यातून तुम्हाला खूप फायदे मिळू शकतात.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)