फॉर्च्युनर सुद्धा दिसेल छोटी, Tata आणतेय सगळ्यात दमदार आणि मजबूत अशी SUV, या दिवशी होणार लाँच

90 च्या दशकामध्ये टाटा मोटर्सच्या गाड्यांचा चांगलाच दबदबा होता. भारतीय कंपन्यांचा तो सुवर्ण आणि लढवय्या काळ होता. वेगवेगळे प्रयोग करून दमदार अशा गाड्यांचं उत्पादन केलं जात होतं. टाटा मोटर्सने भारतीयांना त्या काळात अनेक अशा आठवणी दिल्या. त्यातील एक होती.  Sierra. सियारा त्यावेळी लक्झरी एसयूव्ही म्हणून ओळखली जात होती. आता सियारा नव्या रुपात आणि नव्या ढंगात परत येत आहे. नव्या Sierra चं EV, पेट्रोल आणि डिझेल मॉडेल लाँच केलं जाणार आहे, अखेर या कारच्या लाँचिंगची तारीख समोर आली आहे.

 Tata Sierra ची पहिली झलक ही दिल्लीच्या ऑटो एक्स्पो २०२५ मध्ये पाहण्यास मिळाली होती. त्यामुळे  Tata Sierra आधी मे महिन्यात लाँच होईल असं सांगितलं जात होतं. पण आता ही गाडी ऑगस्ट महिन्यात लाँच होईल अशी माहिती समोर आली आहे. ही नवी सियारा ही टाटाच्या Gen2 EV प्लॅटफ़ॉर्मवर तयार केली आहे. पण सियाराच्या लाँचिंग लांबलं आहे.

नव्या  Tata Sierra मध्ये दमदार असे फिचर्स लाँच केले आहे. यामध्ये प्रीमियम साउंड सिस्टम, पॅनोरामिक सनरूफ, वायरलेस फोन चार्जर, Android ऑटो, Apple कार प्ले आणि व्हेंटिलेटेड फ्रंट सीट्स दिले आहे. 

नव्या  Tata Sierra मध्ये 1.5 लिटर टर्बो–पेट्रोल इंजिन मिळणार आहे. जे 170hp आणि 280 Nm चा टॉर्क जनरेट करेल. या शिवाय  2.0-लिटर डिझेल इंजिनचा पर्याय सुद्धा दिला आहे.   Sierra मध्ये 6 मॅन्युअल आणि ऑटोमॅटिक गियरबॉक्सचा पर्याय मिळणार आहे.

या शिवाय SUV AWD (ऑल–व्हील ड्राइव्ह) टेक्नॉलजी सुद्धा दिली जाणार आहे. भारतात सियाराची किंमत 10.50 लाख रुपयांपासून सुरू होईल.  भारतात या सियाराचा वाट पाहिली जात आहे.

Level 2 ADAS आणि 6 एअरबॅग्स  - टाटा आपल्या या नव्या सियारामध्ये   6 एअरबॅग्स, अँटी लॉक ब्रेकिंग सिस्टम, 360 डिग्री कॅमेरा, इलेक्ट्रॉनिक स्टेबिलिटी कंट्रोल (ESC), आणि Level 2 ADAS सारखे फिचर्स दिले जाणार आहे.

या शिवाय 3 स्क्रीन सुद्धा दिसणार आहे. यामध्ये एक डिजिटल इंस्ट्रूमेंट क्लस्टर, एक सेंट्रल टचस्क्रीन आणि एक पॅसेंजर साइड टचस्क्रीन असणार आहे. सगळ्या स्क्रीन 12.3 इंचाच्या असणार आहे.