विदेशात सहज मिळतात नोकऱ्या, पैसाही मिळतो भरपूर; एका नोकरीत तर कोट्यवधींचं पॅकेज

आजचे युग हे तंत्रज्ञानाचे युग आहे, अशा परिस्थितीत एक क्षेत्र ज्याची मागणी सर्वात जास्त आहे ते म्हणजे IT म्हणजेच माहिती तंत्रज्ञान. केवळ भारतातच मोठ्या प्रमाणात नोकऱ्या नाहीत, तर परदेशातही आयटी व्यावसायिकांना मोठी मागणी आहे.

IT किंवा CS मध्ये B.Tech करून तुम्ही सहजपणे या क्षेत्रात करिअर करू शकता आणि कोणत्याही परदेशी कंपनीत अर्ज करून तुमचे परदेशात जाण्याचे स्वप्न पूर्ण करू शकता. विशेष म्हणजे आयटी व्यावसायिकांचा पगारही खूप जास्त आहे. अमेरिकन कंपन्या करोडोंच्या पॅकेजवर टॅलेंट्सला कामावर घेतात.

बँका, क्रेडिट कार्ड, विमा कंपन्या किंवा इनव्हेस्टमेंट बँका यांसारख्या वित्तसंबंधित क्षेत्रातील नोकऱ्या हा देखील परदेशातील संधींसाठी एक चांगला ऑप्शन आहे. विशेषत: कॉमर्स क्षेत्राशी निगडित लोकांसाठी, यामध्ये करिअर करणे अधिक सोपे आहे. फायनान्सशी संबंधित चांगल्या इन्स्टिट्यूटमधून शिक्षण घेतल्यास तुम्हाला चांगल्या पॅकेजमध्ये परदेशी संस्थांमध्ये सहज नोकरी मिळू शकते.

जर तुम्हाला कोणत्याही परदेशी भाषेचे ज्ञान असेल आणि त्या देशाच्या संस्कृतीबद्दल माहिती असेल तर तुम्हाला त्या देशात ट्रान्सलेटर्स, इंटरप्रेटर्स म्हणून सहज नोकऱ्या मिळू शकतात. यासाठी तुम्हाला पदवीनंतर संबंधित नोकरी शोधावी लागेल, जर तुमच्याकडे आवश्यक कौशल्ये असतील तर तुम्ही त्यात चांगले पैसे कमवू शकता.

विदेश फिरण्यासाठी टूरिज्मशी संबंधित कोर्स हा उत्तम ऑप्शन आहे. भारतातील अनेक संस्थांमध्ये असे कोर्सेस उपलब्ध आहेत, जे केल्यानंतर तुम्ही ट्रॅव्हल इंडस्ट्रीमध्ये काम करू शकता. यामध्ये प्रेझेंटर, टुरिस्ट गाईड, टूर प्लॅनर यासह अनेक नोकरीच्या संधी आहेत. जगभरातील ट्रॅव्हल एजन्सी यांसाठी टॅलेंट्सला हायर करतात. तुम्हालाही प्रवासाची आवड असेल, तर त्यासंबंधीचा कोर्स करा.