'फक्त 6 महिने जगशील',डॉक्टरचा अल्टिमेटम अन् घडला चमत्कार; अदनान सामी 'असा' झाला फॅटचा फिट

संगीतकार अदनान सामीची गाणी चाहत्यांना खूप आवडतात. आपल्या सुरेल आवाजाने त्याने चाहत्यांच्या हृदयात खास स्थान निर्माण केलं आहे. त्यांच्या प्रोफेशनल आयुष्यासोबतच वैयक्तिक आयुष्यामुळेही तो अनेकदा चर्चेत असतो. त्याची वेट लॉस जर्नी विशेष चर्चेत ठरली.

एक काळ असा होता की अदनान सामीचं वजन तब्बल 230 किलो होतं. ‘ह्युमन्स ऑफ बॉम्बे’ला दिलेल्या मुलाखतीत अदनान म्हणालेला की,"2006 मध्ये डॉक्टरांनी मला सांगितलं की, वाढत्या वजनामुळे माझ्याकडे फक्त 6 महिनेच उरले आहेत. मी 230 किलोचा होतो. जर मी वजन कमी केलं नाही तर मी वाचणार नाही, असं डॉक्टरांनी स्पष्ट सांगितलं होतं".

2022 मध्ये 'टाईम्स ऑफ इंडिया'ला दिलेल्या मुलाखतीत अदनान सामीने हाय-प्रोटीन डायट घेत असल्याचं सांगितलं.

अदनान सामी भात, ब्रेड, साखर आणि तेल या चार पदार्थांपासून पूर्णपणे दूर होते. या चार पदार्थांना आयुष्यातून काढून त्यांनी 130 किलो वजन कमी केलं.

अदनान आजच्या घडीला त्याच्या आहाराबाबत खूप काळजी घेतो. एकाचवेळी अतीप्रमाणात खाण्यापेक्षा थोड्या-थोड्या वेळात थोड-थोडं अन्न खाण्यावर तो भर देतो.

गायक अदनान सामी त्याच्या जबरदस्त ट्रान्सफॉर्मेशनमुळे खूप चर्चेत राहिला आहे. वजन कमी करत त्याने सर्वांनाच थक्क केलं होतं.

अदनान सामी आज आपल्या गायणासह आपल्या हटके लूकमुळेही तेवढाच चर्चेत असतो. आपल्या गायणाने आणि स्टाईलने त्याने चाहत्यांना वेड लावलं आहे.