Amitabh Bachchan : 'जग बदलतं, माणसं बदलतात'; रात्री 12 वाजता अमिताभ बच्चन यांची क्रिप्टिक पोस्ट; चाहते पुन्हा संभ्रमात

बॉलिवूडचे महानायक अमिताभ बच्चन यांनी आज वयाच्या 83 व्या वर्षीही सोशल मीडियावर चांगलेच सक्रीय आहेत. सोशल मीडियाच्या माध्यमातून ते चाहत्यांच्या संपर्कात राहण्याचा प्रयत्न करत असतात. आपल्या मनातील भावना ते आपल्या ब्लॉगच्या माध्यमातून व्यक्त करत असतात. नुकतंच रात्री 12 वाजता ब्लॉगमध्ये त्यांनी एक क्रिप्टिक पोस्ट लिहिली असून त्यामुळे चाहते संभ्रमात पडले आहेत.

अमिताभ बच्चन यांनी पुन्हा एकदा रात्री उशीरा केलेल्या क्रिप्टिक पोस्टमुळे चाहते चिंता व्यक्त करत आहेत. अमिताभ बच्चन यांनी बदलणारा काळ आणि सरड्यासारखा रंग बदलणाऱ्या लोकांसाठी खास पोस्ट शेअर केली आहे. त्यामुळे चाहते हैरान झाले आहेत.

अमिताभ बच्चन यांनी आपल्या ब्लॉगची सुरुवात आपले वडील हरिवंश राय बच्चन यांच्या कवितेतील ओळींनी केली आहे.

बिग बींनी लिहिलं आहे,"तुमने हमें पूज पूज कर पत्थर कर डाला, वो जो हम पर जुमले कसते है, हमें जिंदा तो समझते हैं". अमिताभ बच्चन यांनी पुढे लिहिलं आहे,"समय बदलता है... दुनिया बदलती है...रवैया, आदतें बदलती हैं...संस्कृती बदलती है...लोग बदल जाते हैं...जो लोग 'तब',थे वे अब नहीं हैं...और जल्ह ही जो लोग 'अब' हैं, वे 'तब'के संदर्भ बन जाएंगे".

अमिताभ बच्चन यांनी काळ बदलतो, जग बदलतं, वृत्ती सवयी बदलतात... संस्कृती बदलते, माणसं बदलतात, असं म्हणत एक क्रिप्टिक पोस्ट शेअर केली आहे. त्यामुळे चाहते चांगलेच संभ्रमात पडले आहेत.

अमिताभ बच्चन लवकरच 'सेक्शन 84'च्या माध्यमातून प्रेक्षकांच्या भेटीला येणार आहेत. ऋृभु दासगुप्ता दिग्दर्शित या कोर्टरूम थ्रिलर चित्रपटात अभिषेक बॅनर्जी आणि निमरत कौरदेखील महत्त्वाच्या भूमिकेत दिसणार आहेत.

अमिताभ बच्चन सध्या 'कौन बनेगा करोडपती'च्या माध्यमातून प्रेक्षकांच्या भेटीला येत असून लवकरच त्यांचा 'कल्कि 2' हा चित्रपट प्रदर्शित होणार आहे.