Amitabh Bachchan : खून का बदला खून! अमिताभ बच्चन यांच्या जीवाला धोका, KBC चा विशेष एपिसोड कोणाच्या रडारवर

बॉलिवूडचे महानायक अमिताभ बच्चन यांच्यावर हल्ला होण्याची शक्यता केंद्रिय एजन्स्यांनी व्यक्त केली आहे. 'कौन बनेगा करोडपती' या कार्यक्रमात पंजाबी गायक दिलजीत दोसांझ यांच्या भेटी दरम्यान ही माहिती समोर आली आहे.

CNN-News18 च्या सूत्रांनुसार, केंद्रिय एजन्स्या अमिताभ बच्चन यांना आलेल्या काही धमक्यांचे मूल्यांकन करत आहेत. त्यांचे म्हणणे आहे की या धमक्या दिलजीत दोसांझ यांच्या भेटीनंतर आल्या आहेत.

अमिताभ बच्चन यांच्या पायाला स्पर्श केल्यानंतर दिलजीत दोसांझ यांना खलिस्तानी संघटना “सिक्स फॉर जस्टिस” (SFJ) कडून धमकी मिळाली होती. SFJ चे प्रमुख गुरपतवंत सिंह पन्नू यांनी इशारा दिला की 1 नोव्हेंबर रोजी ऑस्ट्रेलियात होणाऱ्या दोसांझ यांच्या कॉन्सर्टला बंद पाडण्याचा प्रयत्न केला जाईल. तसेच 1984 मधील शीखविरोधी दंगलीतील पीडितांचा अपमान केल्याचा आरोप केला.

SFJ ने आरोप केला की माजी पंतप्रधान इंदिरा गांधी यांच्या हत्येनंतर झालेल्या 1984 च्या दंगलीदरम्यान हिंसा भडकविण्यात अमिताभ बच्चन यांची भूमिका होती.

संघटनेचा दावा आहे की अमिताभ बच्चन यांनी दंगलीदरम्यान “खून का बदला खून” असा नारा दिला होता. ज्यामुळे भारतभरात 30,000 पेक्षा अधिक शीख पुरुष, महिला आणि मुलांचा मृत्यू झाला.

मेलबर्न पोलिस आणि गुप्तचर यंत्रणांनी 1 नोव्हेंबर रोजी होणाऱ्या दिलजीत दोसांझ यांच्या “ऑरा 2025” कॉन्सर्टवर संभाव्य धोक्याबाबत चिंता व्यक्त केली आहे. अहवालांनुसार, “सिक्स फॉर जस्टिस” (SFJ) हा गट या हाय-प्रोफाइल कार्यक्रमाला लक्ष्य करण्याच्या तयारीत आहे.

अमिताभ बच्चन यांच्या जीवाला धोका असल्याने KBC चा विशेष एपिसोड कोणाच्या रडारवर येणार याकडे सर्वांचं लक्ष लागलं आहे.