Bigg Boss19: ग्रँड फिनालेआधी बिग बॉसचा गेम फिरणार! Pranit More च्या सपोर्टसाठी सेलिब्रिटींची झुंबड, दिग्गजांनी केला सपोर्ट!

मुंबई: टीव्हीवरील सर्वात मोठे रिअॅलिटी शो 'बिग बॉस १९' चा महाअंतिम सोहळा आता अवघ्या तीन दिवसांवर आला आहे! ७ डिसेंबर २०२५ रोजी या सिझनचा विजेता कोण होणार, याचा निकाल लागणार आहे. अमाल मलिक, फरहाना भट्ट, प्रणित मोरे, तान्या मित्तल आणि 'तिकीट टू फिनाले' विजेता गौरव खन्ना हे टॉप ५ फायनलिस्ट ट्रॉफीसाठी झुंज देत आहेत.

अनेक आठवड्यांच्या वादविवाद, भावनिक क्षण आणि अनपेक्षित नाट्यमय घडामोडीनंतर सलमान खान होस्ट करत असलेला हा शो आता निर्णायक टप्प्यावर आला आहे. अशातच, अनेक सेलिब्रिटींनी त्यांच्या आवडत्या स्पर्धकांना पाठिंबा द्यायला सुरुवात केली आहे.

'बिग बॉस १८' फेम अभिनेत्री शिल्पा शिरोडकर हिने कॉमेडियन आणि टॉप ५ फायनलिस्ट प्रणित मोरे याला पाठिंबा दिला आहे. शिल्पाने X आणि तिच्या इन्स्टा स्टोरीवर एक पोस्ट शेअर करत प्रणितच्या खेळाचे कौतुक केले आहे. तिने लिहिले, "ठीक आहे, मला माहीत आहे की प्रत्येकाचे आवडते स्पर्धक आहेत, पण माझ्यासाठी एकच निवड आहे - @Rj_pranit. मला प्रामाणिकपणे वाटते की, त्याने कधीही खोटा मुखवटा घातला नाही; तो नेहमीच खरा होता."

प्रणितला वोट करण्याचे आवाहन करत ती म्हणाली, "जे लोक जसे आहेत तसेच वागतात, त्यांच्याशी आपण जोडले जातो आणि तो नक्कीच 'एक खरा नायक' आहे. तुम्हीही हे पाहिले असेल, तर माझ्यासोबत उभे राहा आणि प्रणितला लगेच मत द्या. त्याच्या प्रामाणिकपणाचा विजय साजरा करूया! #BB19 #VoteForPranit."

फक्त हिंदीतीलच नाही, तर 'बिग बॉस मराठी ३' चा विजेता विशाल निकम यानेही प्रणित मोरेला पाठिंबा देत मतदानाचे आवाहन केले आहे. प्रणित मोरेचा खेळ संतुलित आणि सकारात्मक दृष्टिकोन ठेवणारा असल्यामुळे तो प्रेक्षकांचा लाडका स्पर्धक ठरला आहे. विशाल निकमच्या या स्पष्ट पाठिंब्यामुळे दोन्ही शोच्या चाहत्यांमध्ये उत्साहाचे वातावरण निर्माण झाले आहे.

इतकंच नाही, तर प्रणितला महाराष्ट्रासह संपूर्ण देशभरातून पाठिंबा मिळत आहे. प्रणित हा स्टँडअप कॉमेडियन आणि आरजे असल्यामुळे या क्षेत्रातील अनेक प्रसिद्ध सेलेब्रिटी त्याच्यासाठी वोट्स करण्याचं आवाहन करत आहेत.

सोशल मीडिया इन्फ्लूएन्सर डॅनी पंडितने प्रणितला ९९ वोट्स केल्याचा स्क्रीनशॉट शेअर करत चाहत्यांना प्रणितसाठी वोट्स करण्याचं आवाहन केलं आहे.

बिग बॉस मराठीच्या तिसऱ्या पर्वातील स्पर्धक मीनल शहानेही प्रणितला पाठिंबा देणारी एक पोस्ट शेअर केली आहे. तिने लिहिले, 'आजच्या एपिसोडमध्ये तुझा प्रेरणा देणारा प्रवास ऐकल्यानंतर मला असे वाटते की तू प्रत्येक यश आणि बिग बॉस १९ ची ट्रॉफी डिझर्व्ह करतो.'

सोशल मीडिया इन्फ्लूएन्सर नीलनेही प्रणितला वोट देतानाचा व्हिडीओ शेअर करत त्याला फिनालेसाठी शुभेच्छा दिल्या आहेत.

बिग बॉस १३मधील स्पर्धक आणि अभिनेता कृष्णा अभिषेकची बहीण अभिनेत्री आरती सिंहने प्रणितसाठी पोस्ट शेअर केल्या आहेत. तिने लिहिले, 'मला आतून असं वाटतंय तो जिंकणार. आणि तो हे डिझर्व्ह करतो.'

आरतीने आणखी एक इन्स्टा स्टोरी पोस्ट करत प्रणितला फिनालेसाठी भरभरून शुभेच्छा दिल्या आहेत.

प्रसिद्ध सोशल मीडिया इन्फ्लूएन्सर आणि ऑनलाइन गेमर श्रीमान लेजंडनेही प्रणित मोरेला सपोर्ट केला आहे.

सोशल मीडिया कंटेंट क्रिएटर सिद्धांत सरफरेनेही प्रणितसाठी स्टोरी शेअर करत चाहत्यांना त्याला वोट करण्याचं आवाहन केलं आहे.

सोशल मीडिया इन्फ्लूएन्सर आणि कलाकारच नाही, तर महाराष्ट्रातील कानाकोपऱ्यातील जनता प्रणितला सपोर्ट करत आहे. काहींनी तर प्रणितच्या नावाचे पोस्टर आणि होर्डिंग्स लावून त्याला वोट करण्याचं आवाहन केलं आहे.

महाअंतिम सोहळा ७ डिसेंबर २०२५ रोजी आहे. जिओ हॉटस्टारवर रात्री ९ वाजल्यापासून याचे थेट प्रक्षेपण होणार आहे, तर कलर्स टीव्हीवर रात्री १०:३० वाजता हा भाग पाहता येईल. या सोहळ्यात नेहाळ चुडासमा आणि नीलम गिरी यांसारखे बाद झालेले स्पर्धकही परफॉर्म करणार आहेत.