आजोबा मनोहर जोशींना अखेरचा निरोप अन् शर्वरी वाघला अश्रू अनावर, कुटुंबियांना धीर देताना दिसली बॉलिवूड अभिनेत्री

राज्याचे माजी मुख्यमंत्री आणि शिवसेनेचे ज्येष्ठ नेते डॉक्टर मनोहर जोशी यांचं आज ( 23 फेब्रुवारी ) निधन झालं. वयाच्या 86 व्या वर्षी त्यांनी अखेरचा श्वास घेतला.

मनोहर जोशी यांना हृदयविकाराचा झटका आला होता. त्यानंतर दोन दिवसांपासून त्यांच्यावर अतिदक्षता विभागात उपचार सुरू होते.

त्यांचं पार्थिव अंत्यदर्शनासाठी त्यांना माटुंगा पश्चिम, रुपारेल कॉलेज जवळील W54 या त्यांच्या सध्याच्या निवासस्थानी सकाळी 11 ते दुपारी 2 या वेळात ठेवण्यात आलं होतं.

मनोहर जोशी यांच्या जाण्यानं शिवसेना आणि त्यांच्या कुटुंबावर शोककळा पसरली आहे.

महाराष्ट्राच्या राजकारणातील अनेक नेते मंडळी त्यांच्या अत्यंदर्शनासाठी आले होते.

मनोहर जोशी यांना अखेरचा निरोप देताना त्यांच्या कुटुंबियांना अश्रू अनावर झाले.

त्यांची नात आणि अभिनेत्री शर्वरी वाघ आजोबांच्या जाण्यानं दु:ख व्यक्त करताना दिसली.

शर्वरी तिची आई आणि कुटुंबियांना धीर देताना दिसली.

शर्वरी ही मनोहर जोशी यांची नात आहे. म्हणजेच त्यांच्या मुलीची मुलगी आहे.