My Dear Heart... धर्मेंद्र यांच्या मृत्यूनंतर कशी आहे हेमा मालिनींची अवस्था? स्वत:च सांगितलं

अभिनेते धर्मेंद्र यांच्या निधनाने देओल कुटुंबावर दु:खाचा डोंगर कोसळला आहे. 24 नोव्हेंबर रोजी धर्मेंद्र यांनी या जगाचा निरोप घेतला. धर्मेंद्र यांच्या निधनानंतर त्यांची पत्नी अभिनेत्री हेमा मालिनी दु:खात बुडाल्या. धर्मेंद्र यांच्या निधनानंतर अजूनही त्या सावरल्या नाहीत. धर्मेंद्र यांच्याशिवाय त्यांचं आयुष्य त्या कसं जगत आहेत हे त्यांनीच सांगितलं.

धर्मेंद्र यांचा आज म्हणजेच 8 डिसेंबर रोजी 90 वा वाढदिवस आहे. 90 व्या वाढदिवस साजरा करण्यासाठी त्यांची कुटुंबीय उत्साही होते. मात्र वाढदिवसाच्या 15 दिवस आधीच त्यांनी या जगाचा निरोप घेतला. त्यांच्या वाढदिवशी हेमा मालिनी यांनी इमोशनल पोस्ट लिहिली आहे.

हेमा मालिनी यांनी दोघांचे फोटो शेअर करत लिहिलंय, "धरमजी. माय हर्ट, हॅप्पी बर्थडे. तुम्ही मला सोडून गेल्यानंतर दोन आठवड्यांहून अधिक काळ झाला आहे. मनं तुटलं असलं तरी मी हळूहळू स्वतःला सावरण्याचा प्रयत्न करतेय. कारण मला माहीत आहे की तुमचा आत्मा नेहमीच माझ्यासोबत आहे."

" आपल्या आयुष्यातल्या आनंदी आठवणी कधीच पुसल्या जाऊ शकत नाहीत आणि त्या क्षणांची आठवण जरी काढली तरी मला खूप आधार आणि आनंद मिळतो."

हेमा मालिनी यांनी पुढे लिहिलंय, "आपण एकत्र घालवलेल्या सुंदर वर्षांसाठी मी देवाचे आभार मानते. आपल्या दोन सुंदर मुली ज्यांच्यामुळे आपलं प्रेम अधिक दृढ होतं, आणि त्या सगळ्या मधुर, आनंदी आठवणींसाठी मी नेहमीच कृतज्ञ आहे. या आठवणी कायम माझ्या हृदयात राहतील."

"तुमच्या वाढदिवशी, तुमच्या नम्रतेसाठी, चांगुलपणासाठी आणि मानवतेवरील प्रेमासाठी देवानं तुम्हाला भरपूर शांती आणि आनंद द्यावा अशी मी प्रार्थना करते. हॅप्पी बर्थडे माय लव्ह."

Our aHppy 'Together' Moments असं म्हणत हेमा मालिनी यांनी धर्मेंद्र यांच्याबरोबरचे दोन खास फोटोही शेअर केलेत. दोघांचं एकमेकांवर प्रचंड प्रेम होतं. या प्रेमाची झलक त्यांच्या या फोटोंमधून पाहायला मिळतेय.