Mamta Kulkarni : "मी व्हर्जिन होते पण...", अखेर ममता कुलकर्णीने सेमी न्यूड फोटोशूटचं सिक्रेट सांगितलंच

ममता कुलकर्णी ही 90 च्या दशकातील प्रसिद्ध बॉलिवूड अभिनेत्री होती, जिने अनेक सुपरहिट चित्रपटांमध्ये काम केले. तिने सलमान खान, शाहरुख खान, अक्षय कुमार यांसारख्या बड्या स्टार्ससोबत काम केले.

सध्या ममता महामंडलेश्वर झाल्यामुळे चर्चेत आहे. 'आपकी अदालत'मध्ये नुकत्याच दिलेल्या मुलाखतीत ममताने तिची कारकीर्द, वैयक्तिक आयुष्य आणि काही वादांबद्दल मोकळेपणाने सांगितले.

ममता कुलकर्णीने 90 च्या दशकात स्टारडस्ट मासिकासाठी सेमी-न्यूड फोटोशूट केले होते. याबद्दल पत्रकार रजत शर्मा यांनी तिला प्रश्न केला होता. यावर ममता म्हणाली की, त्यावेळी हे फोटोशूट अश्लील मानण्याचे कोणतेही कारण तिला सापडले नाही.

ती म्हणाला, 'मला डेमी मूरचा फोटो दाखवण्यात आला, जो मला अश्लील वाटला नाही. त्यावेळी मी खूप निरागस होते आणि नववीत शिकत होते.' ममता म्हणाली की, त्यावेळी तिने ती व्हर्जिन असल्याचेही सांगितले होते, पण लोकांना हे पचले नाही.

जोपर्यंत कोणाला सेक्सविषयी माहिती नसेल तोपर्यंत तो याला चुकीचे मानत नाही, असेही ममताने स्पष्ट केले. ममताने कबूल केले की तिला सेक्सबद्दल माहिती नव्हती आणि त्यामुळे न्यूड फोटोशूटबद्दल तिच्या मनात कोणतीही वाईट भावना नव्हती. तिने तिच्या आयुष्यात कधीही अश्लील किंवा पॉर्न व्हिडिओ पाहिला नसल्याचेही सांगितले.

रजत शर्मा यांनी ममता यांना तिच्या काही गाण्यांबाबत प्रश्नही केला, ज्यात वादग्रस्त गोष्टी आहेत. विशेषतः ममताच्या 'छत पर सोया था बहनोई' या गाण्यावर प्रश्न उपस्थित करण्यात आले. यावर ममता उत्तर देत म्हणाली, 'आमचे लक्ष गाण्याच्या बोलांवर नसून डान्स स्टेप्सवर होतं. आम्ही फक्त आमच्या डान्स स्टेप्सवर लक्ष केंद्रित केलं होतं.'

ममता कुलकर्णीचे करिअर नेहमीच चर्चेत असते आणि तिचे वैयक्तिक आयुष्यही वादांपेक्षा कमी राहिलेले नाही. तिच्या सेमी-न्यूड फोटोशूट आणि गाण्यांवर उपस्थित करण्यात आलेल्या प्रश्नांनंतर ममताने या मुद्द्यांवर आपले स्पष्टीकरण दिले. तिची कारकीर्द एक मनोरंजक आणि वादग्रस्त कथा आहे, जी आजही लोकांमध्ये चर्चेचा विषय आहे.