एक चूक अन् पंकज त्रिपाठींना महिन्यातून दोनदा साजरा करावा लागतो बर्थडे! मग वाढदिवसाची खरी तारीख कोणती?

मुंबई: ‘मिर्झापूर’ वेब सिरीजमधील ‘कालीन भैय्या’ म्हणजेच प्रसिद्ध अभिनेता पंकज त्रिपाठी त्यांच्या अभिनयासाठी ओळखले जातात.

पण, त्यांच्या आयुष्यातील एक मजेशीर किस्सा ऐकून तुम्हालाही आश्चर्य वाटेल. पंकज त्रिपाठी एका चुकीमुळे वर्षातून दोनदा वाढदिवस साजरा करतात.

तुम्हालाही वाटत असेल की, पंकज त्रिपाठींचा वाढदिवस ५ सप्टेंबरला असतो, कारण बहुतेक लोक त्यांना याच दिवशी शुभेच्छा देतात. पण, हे सत्य नाही. ५ सप्टेंबर ही त्यांच्या वाढदिवसाची खोटी तारीख आहे. पण मग त्यांच्या जन्माची खरी तारीख कोणती?

पंकज त्रिपाठींनी एका मुलाखतीत स्वतःच हा खुलासा केला आहे. ते म्हणाले की, ५ सप्टेंबरला माझा वाढदिवस असतो हे ठीक आहे, पण यामागे एक रंजक कथा आहे.

पंकज त्रिपाठींनी या मुलाखतीत सांगितलं, “माझ्या लहानपणी जेव्हा शाळेत शिक्षकांनी माझ्या जन्माची तारीख विचारली असेल, तेव्हा माझ्या भावाने शिक्षकांना ती तारीख सांगितली नसेल. त्यामुळे शिक्षकांनी विचार केला असेल की, ५ सप्टेंबरला शिक्षक दिन आहे आणि डॉ. सर्वपल्ली राधाकृष्णन यांचाही वाढदिवस असतो. त्यामुळे त्यांनी ५ सप्टेंबर हीच तारीख माझ्या कागदपत्रांमध्ये टाकली असावी.”

बस, तेव्हापासून पंकज त्रिपाठींना दोन वाढदिवसांच्या झमेल्यात अडकावं लागलं आहे. एका महिन्यात ते दोन वेळा शुभेच्छा स्वीकारतात.

त्यांचा वाढदिवस खरं तर २८ सप्टेंबरला असतो, पण ५ सप्टेंबरलाही त्यांना भरभरून शुभेच्छा मिळतात. त्यांच्या या मजेशीर किस्स्याबद्दल खूप कमी लोकांना माहिती आहे.