Pear Benefits : पावसाळ्यात मिळणारं हे फळ म्हणजे 'अमृत', डायबेटिज रोखण्यात प्रभावी

नाशपातीमध्ये पोषक तत्वे आणि अनेक फायदेशीर वनस्पती संयुगे असतात, ज्यामुळे ते अमृताइतकेच फायदेशीर बनते. मधुमेह रोखण्यासाठी आणि वजन कमी करण्यासाठी नाशपाती खूप प्रभावी मानले जातात. जुनाट आजार टाळण्यासाठी देखील नाशपातीचे सेवन केले जाऊ शकते. अनेक संशोधनांमध्ये नाशपातीचे आरोग्य फायदे सिद्ध झाले आहेत. आम्ही तुम्हाला नाशपाती खाण्याचे सर्वात मोठे फायदे सांगत आहोत.

नाशपाती खाल्ल्याने शरीरातील आवश्यक पोषक तत्वांची पूर्तता होते. हेल्थलाइनच्या अहवालानुसार नाशपातीमध्ये प्रथिने, कार्ब्स, फायबर, व्हिटॅमिन सी, व्हिटॅमिन के, पोटॅशियम आणि इतर अनेक पोषक तत्वे भरपूर प्रमाणात असतात. नाशपाती हे अँटिऑक्सिडंट्सचा चांगला स्रोत मानले जातात. हे सर्व पोषक तत्व आपली रोगप्रतिकारक शक्ती मजबूत करून रोगांना प्रतिबंधित करण्यास मदत करतात. कमकुवत रोगप्रतिकारक शक्ती असलेल्या लोकांनी नाशपातीचे सेवन नक्कीच करावं.

नाशपाती हा पचनसंस्थेसाठी आवश्यक असलेल्या विरघळणाऱ्या आणि अघुलनशील फायबरचा एक उत्कृष्ट स्रोत आहे. फायबर शरीरात जाऊन पोट साफ करून आतड्यांसंबंधी समस्या दूर करते. एका नाशपातीमध्ये सुमारे 6 ग्रॅम फायबर असतं, जे तुमच्या दैनंदिन गरजेच्या 21 टक्के असतं. नाशपातीमध्ये पेक्टिन भरपूर प्रमाणात असतं, जे पोटाचं आरोग्य सुधारतं. हे फळ बद्धकोष्ठतेपासून मुक्ती देतं. नाशपातीच्या सालीमध्ये पुरेशा प्रमाणात फायबर असतं, म्हणून हे फळ न सोलता खाणं चांगलं.

नाशपाती हृदयरोगाचा धोका कमी करण्यास मदत करू शकतं. नाशपातीमध्ये असलेले प्रोसायनिडिन हे अँटीऑक्सिडंट आहे हृदयाच्या ऊतींचं कडकपणा कमी करतं. वाईट कोलेस्ट्रॉल कमी करून चांगलं कोलेस्ट्रॉल वाढवतं. यामुळे हृदयरोगाचा धोका कमी होऊ शकतो. नाशपातीच्या सालीतील क्वेर्सेटिन अँटीऑक्सिडंट जळजळ कमी करून हृदयाचं आरोग्य वाढवण्यास मदत करू शकतं. एका अभ्यासात असं आढळून आलं आहे की दररोज एक नाशपाती खाल्ल्याने हृदयरोगाचा धोका 6 ते 7 टक्क्यांनी कमी होऊ शकतो.

नाशपातीमध्ये कॅलरीज कमी असतात तर पाणी आणि फायबर भरपूर असतात. ज्यामुळे नाशपती खाल्ल्याने पोट भरल्यासारखे वाटतं आणि तुम्ही कमी खाता. ज्यामुळे वजन कमी होतं. 12 आठवड्यांच्या एका अभ्यासात असं आढळून आलं की ज्या प्रौढांनी दिवसातून दोन नाशपाती खाल्ले त्यांची कंबर 0.3 इंच कमी झाली. 2008 च्या एका अभ्यासात असं आढळून आलं की ज्या महिलांनी 10 आठवडे त्यांच्या सामान्य आहारात दिवसातून तीन नाशपाती समाविष्ट केल्या त्यांचं सरासरी एक किलो वजन कमी झालं.

नाशपाती खाल्ल्याने मधुमेहाचा धोका कमी होण्यास मदत होते. विशेषतः लाल नाशपाती खूप फायदेशीर आहेत. एका अभ्यासात असं आढळून आलं आहे की दररोज लाल नाशपातीसारखं अँथोसायनिनयुक्त फळे खाल्ल्याने टाइप 2 मधुमेहाचा धोका 23% कमी होतो. नाशपातीमधील फायबर पचनक्रिया मंदावते, ज्यामुळे तुमच्या शरीराला कार्बोहायड्रेट्सचे विघटन आणि शोषण करण्यास अधिक वेळ मिळतो. यामुळे रक्तातील साखरेची पातळी नियंत्रित राहण्यास देखील मदत होते.

सूचना : हा लेख सर्वसामान्य माहितीवर आधारित आहे. न्यूज18मराठीने याची पुष्टी केलेली नाही. अवलंब करण्यापूर्वी तज्ज्ञांचा सल्ला जरूर घ्यावा.