Health Tips : स्मरणशक्ती सुधारण्यासाठी बदाम खाताय? या गोष्टी लक्षात ठेवा अन्यथा किडनीवर होईल परिणाम

बदाम आरोग्यासाठी खूप फायदेशीर मानले जातात. यामुळे आठवणशक्ती सुधारते. गोड्डा येथील प्रसिद्ध सामान्य वैद्यकीय तज्ज्ञ डॉ. जेपी भगत यांनी सांगितले की, भिजवलेले बदाम आरोग्यासाठी अधिक उपयुक्त असतात. मात्र, कोणतीही गोष्ट मर्यादेबाहेर केली, तर त्याचा त्रास होऊ शकतो. तर जास्त बदाम खाल्याचे तोटे काय होतात, ते जाणून घेऊया...

जास्त बदाम खाल्ल्याने गॅस, अपचन यांसारख्या पचनविषयक समस्या होऊ शकतात. याचे मुख्य कारण म्हणजे बदामांमध्ये असलेले फायबर आणि फॅटचे जास्त प्रमाण. दररोज फक्त 5-7 भिजवलेले बदाम खाणे योग्य मानले जाते.

बदामांमध्ये ऑक्सलेट्स असतात, जे काही लोकांमध्ये मूत्रपिंडातील खड्यांची समस्या वाढवू शकतात. ऑक्सलेट्स हे अन्नामध्ये आढळणारे एक संयुग असून, ते कॅल्शियमशी संयोग करतात आणि मूत्रपिंडांवर परिणाम करतात.

काही लोकांना बदामांमुळे ऍलर्जी होऊ शकते. नट्सशी संबंधित ही ऍलर्जी सौम्य ते तीव्र स्वरूपाची असते. यामुळे शरीरावर दीर्घकालीन परिणाम होऊ शकतो.

मर्यादेपेक्षा जास्त बदाम खाल्ल्यास वजन लवकर वाढते. बदामांमध्ये असलेल्या कॅलरीज आणि फॅटमुळे हे होते. त्यामुळे बदाम मर्यादेत खाल्ले पाहिजेत.

कच्च्या बदामांमध्ये गोइट्रोजेनिक घटक असतात, जे थायरॉईड ग्रंथीच्या कार्यक्षमतेवर परिणाम करू शकतात. जास्त प्रमाणात बदाम खाल्ल्याने थायरॉईड ग्रंथी सुजण्याची शक्यता वाढते. मात्र, मर्यादित प्रमाणात बदाम खाण्यास कोणताही धोका नाही.