Priya Marathe Cancer : ज्या कॅन्सरने घेतला प्रिया मराठेचा जीव तो होण्यापूर्वी शरीरात दिसतात ही 8 लक्षणं, चुकूनही दुर्लक्ष नको

अभिनेत्री प्रिया मराठेचं कॅन्सरमुळे निधन झालं आहे. कॅन्सरशी झुंज अपयशी ठरल्याने वयाच्या 38 व्या वर्षी तिने अखेरचा श्वास घेतला. गेल्या काही दिवसांपासून तिला कॅन्सरने ग्रासलं होतं. या आजाराची अशी काही लक्षणं जी प्रत्येकाला माहिती असायला हवीत.

कोणताही आजार होण्यापूर्वी त्याची लक्षणं शरीरावर दिसू लागतात. कॅन्सरच्या बाबतीतदेखील हेच सूत्र आहे. या आजाराची काही लक्षणं शरीरात दिसू लागतात. याकडे दुर्लक्ष न करता वेळेत उपचार घेणं गरजेचं असतं.

शरीरावरचा तीळ किंवा मस याचा आकार किंवा रंगात जर बदल झालेला दिसत असेल तर हे कॅन्सरचं सुरुवातीचं लक्षण असू शकतं. याशिवाय जखम न भरणं, त्वचेला खाज सुटणं हेदेखील कॅन्सरचं लक्षण असू शकतं.

कॅन्सरच्या पेशी वेगानं विभाजित होतात. त्यासाठी शरीराला जास्त ऊर्जेची गरज भासते. त्यामुळे जर कोणतेही प्रयत्न न करता वजन कमी होत असेल तर हा कदाचित कॅन्सर असू शकतो.

शरीराच्या कोणत्याही भागात विनाकारण गाठ किंवा सूज येणं हे कॅन्सरचं लक्षण असू शकतं. विशेषतः ब्रेस्ट, टेस्टिकल्स किंवा घशात गाठ आली असेल, तर तातडीने डॉक्टरांशी संपर्क साधावा. तोंड, घसा किंवा पचनसंस्थेत कुठेही कॅन्सरची गाठ असेल तर जेवताना त्रास होतो.  घास गिळणं कठीण होतं.

शरीराच्या कोणत्याही भागात विनाकारण गाठ किंवा सूज येणं हे कॅन्सरचं लक्षण असू शकतं. विशेषतः ब्रेस्ट, टेस्टिकल्स किंवा घशात गाठ आली असेल, तर तातडीने डॉक्टरांशी संपर्क साधावा. तोंड, घसा किंवा पचनसंस्थेत कुठेही कॅन्सरची गाठ असेल तर जेवताना त्रास होतो.  घास गिळणं कठीण होतं.

मलावाटे रक्त पडणं, महिलांमध्ये मासिक पाळीव्यतिरिक्त असामान्य रक्तस्राव होणं किंवा जखम, दुखापत झालेली नसताना रक्तस्राव होणं ही कॅन्सरची लक्षणं असू शकतात. अनियमित आणि जास्त प्रमाणात रक्तस्राव होणं किंवा मेनोपॉजनंतर रक्तस्राव होणं हे असमान्य असतं. अशा वेळी तपासणी करणं गरजेचं आहे.

रात्रीच्या वेळी हाडांमध्ये वेदना जाणवणं किंवा एखादा अवयव सातत्याने दुखणं हे कॅन्सरचं लक्षण असू शकतं.

शारीरिक थकवा जाणवणं ही सामान्य गोष्ट आहे. तुम्हाला जर विनाकारण थकवा जाणवत असेल आणि विश्रांती घेऊनही थकवा कमी होत नसेल तर हा कॅन्सर असू शकतो.

जर तुम्हाला अशा प्रकारची कोणतीही लक्षणं दिसत असतील असतील तर तातडीने वैद्यकीय सल्ला घेणं, तपासण्या करणं गरजेचं आहे. कारण वेळीच तपासण्या करून उपचार सुरू केले तर कॅन्सरचा यशस्वीपणे सामना करता येऊ शकतो.