Ahmednagar News : वाळू चोरून पुष्पाभाऊ स्टाईल पळाले, पण पिकअपसह 75 फूट खोल विहिरीत बुडाले, नगरमधील घटना

संगमनेर तालुक्यातील धांदरफळ गावात आज पहाटे अवैध वाळू वाहतूक करणारा पिकअप थेट 75 फुट खोल विहीरीत कोसळला आहे.

ड्रायवरसह पाचजण गाडीत होते. चौघांनी बाहेर पडत आपला जिव वाचवला. मात्र, ड्रायव्हर गाडीसह विहीरीत बुडाला आहे.

पोलिसांनी गाडीचा पाठलाग करत असताना हा अपघात झाल्याची माहीती असून गाडी बाहेर काढण्यात आली आहे. या घटनेत वाळूची बेकायदेशीर वाहतूक करणारे 3 मजूर विहिरीतून बाहेर येत थोडक्यात वाचले.

तर पिकअपचा चालक गोरख नाथा खेमनर (वय 23, रा डिग्रस, ता संगमनेर) हा मात्र विहिरीतील पाण्यात बुडाला आहे.

ही घटना राज्याचे महसूलमंत्री राधाकृष्ण विखे पाटील यांच्या अहमदनगर जिल्ह्याच्या संगमनेर तालुक्यातील धांदरफळ बुद्रुक शिवारात शनिवारी पहाटे चार ते साडेचार वाजण्याच्या सुमारास घडली.