Marathwada Weather Update: मराठवाड्यात थंडीचा कडाका, 3 जिल्ह्यांत पारा घसरला, पाहा आजचा हवामान अंदाज

अवकाळी पावसानंतर राज्यातील हवामानात पुन्हा मोठे बदल जाणवत आहेत. पुन्हा एकदा थंडीचा जोर वाढत असून मराठवाड्यात देखील गारठा वाढला आहे. काही ठिकाणी तापमानाचा पारा 11 अंशांपर्यंत घसरला आहे.

छत्रपती संभाजीनगरसह परभणी आणि बीड या जिल्ह्यामध्ये सर्वाधिक थंडी जाणवत आहे. थंडीचा कडाका वाढल्याने मराठवाड्यात शेकोट्या पेटल्याचे दिसत आहे. परभणी आणि बीड जिल्ह्यात किमान तापमान हे 11 अंश सेल्सिअस राहील.

छत्रपती संभाजीनगरमध्ये थंडीचा कडाका जाणवत आहे. आज किमान तापमान 11 अंश सेल्सिअसपर्यंत घसरले आहे. तर कमाल तापमान 30 अंश सेल्सिअस राहील. संभाजीनगर शहरामध्ये सकाळच्या वेळी मोठ्या प्रमाणात धुके पडत आहे.

हिंगोली आणि नांदेड या जिल्ह्यात देखील हुडहुडी भरवणारी थंडी आहे. आज किमान तापमान हे 14 अंश सेल्सिअस असेल. तर लातुर आणि धाराशिव जिल्ह्यात तापमानाचा पारा 15 अंशांवर राहण्याचा अंदाज हवामान खात्याने वर्तवल आहे.

दरम्यान, अवकाळीनंतर अचानक थंडीचा जोर वाढल्याने नागरिकांना आरोग्याच्या समस्यांचा सामना करावा लागतोय. गरम कपडे खरेदी करण्यासाठी गर्दी होताना दिसतेय.