पारा घसरला, मराठवाड्यात थंडीचा जोर, आजचा हवामान अंदाज पाहिला का?

राज्यातील तापमानामध्ये सतत बदल होताना दिसत आहेत. राज्यात काही ठिकाणी थंडी तर काही ठिकाणी कडक ऊन अशी स्थिती आहे. मराठवाड्यातील वातावरणात देखील मोठे बदल जाणवत आहेत.

मराठवाड्यात थंडीचा जोर वाढला आहे. बहुतांश जिल्ह्यांत पारा 17 अंशांपर्यंत खाली आला आहे. तर दुपारी उष्णतेचे चटके जाणवत आहेत.

छत्रपती संभाजीनगर शहराचे कमाल तापमान 32 अंश सेल्सिअस तर किमान तापमान 17 अंश सेल्सिअस एवढं असेल. शहरात देखील थंडीचा जोर वाढला असून लोक थंडीचे कपडे खरेदी करताना दिसत आहेत

जालना, परभणी, हिंगोली, नांदेड, लातूर, बीड आणि धाराशिव या जिल्ह्यात देखील थंडीची तीव्रता वाढत आहे. या संपूर्ण जिल्ह्यातील तापमानामध्ये मोठी घट झालेली आहे. धाराशिव, लातूर या जिल्ह्यातील आता तापवण्यात मोठी घट झालेली आहे.

मराठवाड्यात पुढील काही दिवसांत थंडीची तीव्रता आणखी वाढण्याची शक्यता आहे. त्यामुळे शेतकऱ्यांना फळबागांन जपावं लागणार आहे. तसेच आरोग्याची देखील योग्य ती काळजी घ्यावी लागेल.