Marathwada Weather Update: थंडीच्या दिवसांत पावसाच्या धारा, मराठवाड्यात पुन्हा अलर्ट, कधी संपणार अवकाळी संकट?

राज्यात डिसेंबरच्या पहिल्याच आठवड्यात हवामानात मोठे बदल झाले आहेत. गेल्या काही दिवसांत राज्यातील कोकण, मध्य महाराष्ट्रासह मराठवाडा आणि विदर्भातील काही जिल्ह्यांत पाऊस होतोय.

मराठवाड्यातील जालना जिल्ह्यात शुक्रवारी पावसाने हजेरी लावली. ऐन हिवाळ्यात पुन्हा एकदा पावसाचा इशारा देण्यात आलाय. आज जालना, परभणी आणि नांदेड या जिल्ह्यात पावसाचा अंदाज आहे.

छत्रपती संभाजीनगर शहरात देखील आज पावसाची शक्यता वर्तवण्यात आलीये. आज संभाजीनगरमध्ये किमान तापमान 20 अंश तर कमाल 29 अंश सेल्सिअस राहण्याचा अंदाज आहे.

मराठवाड्यातील तापमानात मोठी वाढ झाली आहे. आज बीड आणि हिंगोली येथे किमान तापमान 21 तर धाराशिव आणि लातुर जिल्ह्यात 20 अंश सेल्सिअस तापमान राहील.

राज्यासह मराठवाड्यातील हवामानात पुन्हा मोठे बदल होण्याची शक्यता आहे. येत्या आठवड्यापासूनर मराठवाड्यात पुन्हा गारठा वाढण्याचा अंदाज आहे. बदलत्या हवामानामुळे शेती पिकांना मोठा फटका बसतोय. त्यामुळे शेतकऱ्यांनी योग्य ती काळजी घेण्याची गरज आहे.