Express Highway Accident : एक्सप्रेस वेवर एर्टिगाचा भयानक अपघात, डोंबिवलीतील तिघं जागीच ठार, घटनास्थळाचे PHOTOS

मुंबई-पुणे एक्सप्रेस हायवेवर भीषण अपघात झाला आहे, या अपघातामध्ये डोंबिवलीतल्या एकाच कुटुंबातल्या तिघांना जीव गमवावा लागला आहे.

डोंबिवलीतलं बर्वे कुटुंब देव दर्शन आटपून येत असताना हा भयावह अपघात झाला आहे. या अपघातात बर्वे कुटुंबावर काळाने घाला घातला आहे.

नियंत्रण सुटल्यामुळे एर्टिगा मुंबई-पुणे एक्सप्रेस हायवेच्या डिव्हायडरवरून थेट रस्त्याच्या खालीच गेली, यात तीन जणांचा मृत्यू झाला आहे.

या गाडीचा वेग इतका जास्त होता की एक्सप्रेस हायवेवर लावलेल्या रेलिंग तोडून गाडी रस्त्याच्या खाली गेली.

मृत्यू झालेल्यांमध्ये दोन महिला आणि एका पुरुषाचा समावेश आहे. गाडीमध्ये लहान मुलांसह एकूण 12 जण असल्याची माहिती समोर येत आहे.

जखमी झालेल्या 9 जणांना उपचारासाठी एमजीएम रुग्णालयात दाखल करण्यात आलं आहे, यातले काही जण गंभीर असल्याची माहिती मिळत आहे.