पुण्यात साकारलंय डोळ्याचं पारणं फेडणारं पद्मनाभ मंदिर, दगडूशेठची सजावट बघाल तर हरखून जाल..

लाखो भक्तांचे श्रद्धास्थान असणाऱ्या श्रीमंत दगडूशेठ हलवाई गणपती मंदिरांकडून गणेशोत्सवात दरवर्षी भव्य अशा ऐतिहासिक मंदिराची प्रतिकृती साकारण्यात येते.

दगडूशेठ हलवाई गणपती मंदिराकडून गेल्या अनेक वर्षांपासून देशाच्या ऐतिहासिक आणि मोठ्या मंदिराची प्रतिकृती गणेशोत्सवात साकारली जाते आणि याच मंदिरात भक्तांचा लाडका बाप्पा विराजमान होतो.

यंदाच्या वर्षी देखील तीच परंपरा जपत केरळच्या पद्मनाभ मंदिराची हुबेहूब प्रतिकृती दगडूशेठ हलवाई गणपती मंदिराकडून करण्यात आली आहे.

बाप्पा यंदा ज्या मंदिरात विराजमान होतील ते मंदिर 111 फूट उंचीचे असून सुरेख रेखीव आणि डोळ्याचं पारणं फेडणार नक्षीकाम या मंदिराला करण्यात आले आहे.

केरळमध्ये असणाऱ्या भगवान विष्णूच्या पद्मनाभ मंदिराची हुबेहूब प्रतिकृती साकारण्यात आली आहे. आकर्षक मंदिराचे काम आता अंतिम टप्प्यात आले असून या मंदिराला आकर्षक अशी रोषणाई देखील करण्यात आली आहे.