Shocking! लग्नाआधी कपलने काढले रोमँटिक फोटो, नंतर दोघांचाही मृत्यू; नेमकं काय घडलं?

आता लग्न म्हटलं ती त्याआधी प्री-वेडिंग फोटोशूट आलंच. असंच प्री-वेडिंग फोटोशूट करणारं कपल त्यांना मृत्यूने गाठलं आहे. प्री-वेडिंग फोटोशूट केल्यानंतर दोघांचाही मृत्यू झाला आहे. कर्नाटकातील कोप्पलमधील ही धक्कादायक घटना आहे.

26 वर्षांचा करिअप्पा मदिवाल हनुमानहट्टी आणि 19 वर्षांची कविता पावडेप्पा मदिवाल हे कपल, 5 महिन्यांपूर्वी त्यांचा साखरपुडा झाला. 21 डिसेंबरला त्यांचं लग्न होतं. दोन्ही कुटुंबाची लग्नाची तयारी सुरू होती. कपलने प्री-वेडिंग फोटोशूट केलं.

होस्पेटमधील मुनीराबाद येथील पंपवन येथील तलावावर ते गेले होते. तिथं त्यांचे फोटोशूट झालं होतं. त्यानंतर ते बाईकने घरी परतत होते.

पोलिसांनी दिलेल्या माहितीनुसार, करिअप्पा आणि कविता बाईकवरून गंगावती इथं घरी परतत होते. तेव्हा एका ट्रकने बाईकला धडक दिली.

कविताचा जागीच मृत्यू झाला तर करिअप्पा गंभीर जखमी झाला आणि त्याला गंगावती रुग्णालयात दाखल करण्यात आलं. इथं उपचारादरम्यान त्याचा मृत्यू झाला. (सर्व फोटो : प्रतीकात्मक)