Weather Alert: पश्चिम महाष्ट्रातील हवामानात मोठे बदल, पुण्यासह 3 जिल्ह्यांना यलो अलर्ट

राज्यातील हवामानात मोठे बदल जाणवत असून पावसाचा जोर वाढला आहे. कोकण, घाटमाथा, उत्तर महाराष्ट्रात पावसाचा तीव्रता जास्त राहील. पश्चिम महाराष्ट्रात देखील जोरदार पावसाची शक्यता असून हवामान विभागाने 5 सप्टेंबर रोजी काही ठिकाणी मुसळधार पावसाचा इशारा दिला आहे. पुढील 24 तासांचा हवामान अंदाज जाणून घेऊ.

सातारा जिल्ह्यात गेल्या 24 तासांत पावसाची उघडीप राहिली. आज साताऱ्यातील कमाल तापमान 29 अंश सेल्सिअस राहिल. तसेच पुढील 24 तासां सातारा घाटमाथ्यावर जोरदार पावसाची शक्यता असल्याने हवामान विभागाने सतर्कतेचा यलो अलर्ट दिला आहे. उर्वरित सातारा जिल्ह्यात मध्यम पावसाची शक्यता आहे.

पुणे जिल्ह्यातील शिवाजीनगर परिसरात गुरुवारी पावसाची उघडीप राहिली. तसेच कमाल तापमानाचा पारा 28.3 अंश सेल्सिअसपर्यंत वाढला. पुढील 24 तासात पुणे घाटमाथ्यावर जोरदार पावसाची शक्‍यता असल्याने सतर्कतेचा ऑरेंज अलर्ट देण्यात आला आहे. उर्वरित पुणे जिल्ह्यात हलक्या पावसाचा अंदाज आहे. यावेळी कमाल तापमानाचा पारा 28 अंशावर स्थिर राहील.

कोल्हापूर जिल्ह्यात गेल्या 24 तासात 0.8 मिलीमीटर पावसाची नोंद झाली. यावेळी कमाल तापमान 27 अंश सेल्सिअस पर्यंत वाढले आहे. पुढील 24 तासात कमाल तापमान 24 अंशावर राहिल. कोल्हापूर घाटमाथ्यावर जोरदार पावसाची शक्यता असल्याने यलो अलर्ट हवामान विभागाने दिला आहे. उर्वरित कोल्हापूर जिल्ह्यात मध्यम पावसाची शक्‍यता आहे.

सोलापूर जिल्हात मागील 24 तासात 0 मिलीमीटर पावसाची नोंद झाली. तसेच पारा बत्तीशीपार जावून 32.7 अंश सेल्सिअस कमाल तापमानाची नोंद झाली. पुढील 24 तासात कमाल तापमान 32 अंशावर राहिल. जिल्ह्यात मध्यम पावसाची शक्यता हवामान विभागाकडून वर्तवण्यात आली आहे.

गेल्या 24 तासात सांगली जिल्ह्यामध्ये 1 मिलिमीटर पावसाची नोंद झाली. कमाल तापमानात घट होवून 29.4 अंश सेल्सिअस नोंदवले गेले. पुढील 24 तासात मध्यम पावसासह कमाल तापमानात वाढ होण्याची शक्यता आहे. यावेळी जिल्ह्यातील कमाल तापमान 30 तर किमान तापमान 22 अंश सेल्सिअस इतके राहील.

राज्यात पावसाचा जोर पुन्हा वाढण्याची शक्यता असली तरीही काही ठिकाणी वातावरणातील कमाल तापमान वाढत आहे. राज्यात ऊन-सावल्यांचा खेळ सुरूच आहे. दरम्यान तुरळक ठिकाणी हलक्या पावसाला सुरुवात झाली आहे.