Shivneri Killa : महाराजांचा आणखी एक गड धोक्यात? शिवनेरी किल्ल्याची तटबंदी तुटली, वेदनादायक PHOTOS

गेल्या काही वर्षात छत्रपती शिवाजी महाराज यांचे अनेक गड-किल्ले ढासळताना पाहायला मिळत आहे. आज त्यात आणखी एकाच भर पडली.

उत्तर पुणे जिल्ह्यात मागील काही दिवस सतत भिजपाऊस पडत आहे. किल्ले शिवनेरीवर असलेल्या गणेश दरवाजाच्या वरील बाजूस असलेला 7 ते 8 फूट लांब व 5 ते 6 फूट रुंदीचा खडक ढासळून किल्याच्या भातखळा बाजूला असलेल्या तटबंदीवर आदळला.

गणेश दरवाजाच्या लगत असलेली किल्ल्याची 8 ते 9 फूट लांबीची तटबंदी तुटली आहे. यामध्ये काही झाडे सुद्धा भुईसपाट झाली आहे.

यामुळे पर्यटकांच्या सुरक्षिततेच्या दृष्टीने 31 जुलै पर्यत पर्यटकांना शिवनेरी किल्ल्यावर जाण्यास बंदी घालण्यात आली आहे. जुन्नर वन विभागाचे उपवनसंरक्षक अमोल सातपुते यांनी याबाबत एक आदेश काढला आहे.

छत्रपती शिवाजी महाराज यांच्या किल्ल्याची पडझड शिवप्रेमींकडून हळहळ व्यक्त करण्यात येत आहे.