3 राशींचा सुवर्ण काळ सुरू झालाय...गुरूच्या कृपेनं हा महिना सुखात सरणार, काळजी नको!

झारखंडमधील देवघरचे प्रसिद्ध ज्योतिषी पंडित नंदकिशोर मुद्गल यांनी दिलेल्या माहितीनुसार, गुरू हा अत्यंत पवित्र ग्रह मानला जातो, म्हणूनच त्याच्या राशीप्रवेशाला विशेष महत्त्व असतं. आता तब्बल 12 वर्षांनी एक अद्भुत संयोग जुळून आलाय. 1 मे रोजी वृषभ राशीत प्रवेश करणाऱ्या गुरू ग्रहाच्या कृपेने 3 राशींच्या व्यक्तींचं भाग्य अक्षरशः उजळून निघणार आहे. महिनाभर त्यांना कसलीच कमी नाही भासणार, असं ज्योतिषी म्हणाले.

वृषभ : याच राशीत गुरू ग्रहाचा प्रवेश होणार आहे. त्यामुळे आपल्याला भरभरून सुख मिळेल, आपल्या मनातल्या सर्व इच्छा पूर्ण होतील. नोकरीत बढती मिळण्याची शक्यता आहे. विद्यार्थ्यांना विदेशात उच्चशिक्षणाची संधी मिळू शकते. पालकांना मुलांकडून शुभवार्ता मिळतील.

कर्क : आपल्यालासुद्धा गुरूच्या राशीप्रवेशामुळे खूप फायदा होईल. नोकरीच्या शोधात असाल तर आता चांगली संधी मिळू शकते. स्पर्धा परीक्षेची तयार करणाऱ्या विद्यार्थ्यांना आता यश मिळेल. उत्पन्नाचे नवे स्रोत निर्माण होतील. आर्थिक स्थितीही भक्कम होईल. उत्पन्न जास्त आणि खर्च कमी अशी परिस्थिती असल्यामुळे मन प्रसन्न राहील.

<a href="https://news18marathi.com/photogallery/religion/jupiter-transit-will-change-the-dice-may-will-be-best-for-these-zodiac-signs-l18w-mhij-1173160.html">वृश्चिक</a> : गुरूच्या कृपेनं घरात अत्यंत आनंदाचं वातावरण राहील. धार्मिक कार्यात सहभागी व्हाल. घरात शुभ <a href="https://news18marathi.com/photogallery/religion/the-best-upay-on-shani-and-rahu-dosha-l18w-mhij-1173052.html">कार्य</a> पार पडू शकतं. व्यवसायातून चांगला नफा मिळेल. शत्रू कमी होतील, जुन्या मित्रमंडळींची भेट होईल. वैवाहिक जीवनात सुख येईल. बाळासाठी प्रयत्न करणाऱ्या दाम्पत्याला आता गुड न्यूज मिळण्याची शक्यता आहे.

सूचना : येथे दिलेली माहिती <a href="https://news18marathi.com/religion/">धार्मिक</a> श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.