Astro Tips: करिअर ग्रोथ, पगारवाढ, प्रमोशन..! सगळं काही ठप्प होण्यामागे घरातील 3 गोष्टी मोठं कारण

कपाट किंवा बेड बॉक्स या अशा जागा आहेत जिथे आपण अनेकदा नको असलेल्या किंवा नंतर बघू म्हणून ठेवलेल्या वस्तू कोंबून ठेवतो. वास्तुशास्त्रानुसार विस्कळीत असलेले स्टोरेज हे अडकणाऱ्या प्रलंबित निर्णयांचे प्रतीक मानले जाते. जेव्हा या जागा अनावश्यक वस्तूंनी भरलेल्या असतात, तेव्हा त्याचा परिणाम थेट तुमच्या निर्णयक्षमतेवर होतो. ऑफिसमध्ये कामात स्पष्टता नसणे किंवा सतत व्यस्त राहूनही हातात काहीच न पडणे ही या वास्तुदोषाची लक्षणे आहेत. या जागा स्वच्छ करणे म्हणजे तुमच्या आयुष्यातील अधुऱ्या गोष्टींना पूर्णविराम देणे होय.

तुम्ही घरून काम करत असाल किंवा नसाल, पण घरात एक अशी जागा नक्कीच असते जिथे बसून तुम्ही आर्थिक नियोजन किंवा भविष्यातील योजनांचा विचार करता. जर ही जागा अस्वच्छ असेल, तिथे विजेच्या तारांचा गुंता असेल किंवा प्रकाश कमी असेल, तर ते तुमच्या करिअरप्रती असलेल्या गांभीर्याचा अभाव दर्शवते. तुमचा डेस्क तुमची प्रगतीप्रती असलेली वचनबद्धता दर्शवते, त्यामुळे ही जागा नेहमी नेटकी आणि प्रेरणादायी ठेवणे हिताचे ठरते.

घरातील काही लहान गोष्टी करिअरमध्ये स्थिरता निर्माण करतात. कालबाह्य झालेली औषधे ही संपलेल्या समस्यांचे प्रतीक आहेत, ज्या तुम्ही अजूनही कुरवाळत बसला आहात असे मानले जाते. जुनी कॅलेंडर्स तुम्हाला भूतकाळात अडकवून ठेवतात आणि नवीन संधींकडे पाहू देत नाहीत.

त्याचप्रमाणे बंद पडलेली घड्याळे आणि बिघडलेली इलेक्ट्रॉनिक उपकरणे तुमच्या प्रगतीचा वेग थांबवतात. करिअरमध्ये अडकलेले लोक अनेकदा अशा वस्तूंच्या सहवासात असतात. या वस्तू घराबाहेर काढल्यामुळे वर्तमानकाळातील सकारात्मक ऊर्जेचा संचार होतो आणि तुमची जागा भूतकाळाऐवजी वर्तमानाला दर्शवू लागते.

2026 मध्ये शनी, राहु आणि केतूची स्थिती कार्यक्षेत्रात मोठ्या बदलांचे संकेत देत आहे. एका संशोधनानुसार 86 टक्के लोक आपल्या नोकरीबाबत चिंतेत असतात आणि त्यातील अनेक जण वास्तूशास्त्राचा आधार घेतात. त्यामुळे घराचे कोपरे आणि साठवणुकीच्या जागा व्यवस्थित ठेवणे हे केवळ स्वच्छतेसाठी नसून स्वतःच्या प्रगतीच्या प्रगतीच्या मार्गावर धावण्यासाठी आवश्यक आहे.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)