Asia Cup Point Table : पाकिस्तानवर 'सूर्या अँड कंपनी'कडून सर्जिकल स्ट्राईक, पाईंट्स टेबलच्या टॉपवर कोण? पाहा सुपर 4 चं समीकरण

सूर्यकुमार यादवच्या नेतृत्वाखाली टीम इंडियाने पाकिस्तानवर 7 विकेट्सने विजय मिळवला आहे. आशिया कपच्या दुसऱ्या सामन्यात देखील भारतीय संघाने विजय मिळवलाय.

25 बॉल शिल्लक असताना टीम इंडियाने विजयी पताका रोवला आहे. त्यामुळे भारतीय संघ पाईंट्स टेबलच्या टॉपवर पोहोचली आहे. टीम इंडियाने याचबरोबर सुपर 4 मध्ये देखील एन्ट्री मारली आहे.

ग्रुप ए मध्ये पाहिलं तर टीम इंडियाने 2 पैकी 2 सामने जिंकले असून भारतीय संघ थेट सेमीफायनलमध्ये पोहोचला आहे. भारताच्या खात्यात 4 गुण असून टीम इंडिया सध्या टॉपवर आहे.

तर टीम इंडियाचा नेट रन रेट (+4.793) जबरदस्त आहे. तसेच पाकिस्तानचा संघ एका विजयासह 2 पॉईंट्स घेऊन दुसऱ्या स्थानावर आहे. पाकिस्तानला भारताविरुद्ध झालेल्या पराभवाचा फटका बसलाय.

ग्रुप ए मधून भारत आणि पाकिस्तान दोन्ही टीम्स आता सुपर 4 साठी क्वालिफाय होण्याची शक्यता आहे. तर याच ग्रुपमध्ये ओमान आणि यूएई यांनी एकही मॅच जिंकलेली नाही.

ग्रुप बी मध्ये मात्र जोरदार चुरस पाहायला मिळत आहे. अफगाणिस्तान, श्रीलंका आणि बांगलादेश या तिन्ही टीम्सकडे प्रत्येकी 2 पॉईंट्स आहेत. अफगाणिस्तानने 1 मॅच जिंकून (+4.700) च्या दमदार नेट रन रेटमुळे ते पहिल्या क्रमांकावर आहेत.

अफगाणिस्तान पाठोपाठ श्रीलंकेचा (+2.595) आणि बांगलादेशचा (+1.001) नंबर लागतो. दोन्ही मॅच हरलेला हॉंगकॉंगचा संघ स्पर्धेतून जवळपास बाहेर झाला आहे.

दरम्यान, 15 सप्टेंबरला ग्रुप ए मध्ये यूएई विरुद्ध ओमान आणि ग्रुप बी मध्ये श्रीलंका विरुद्ध हॉंगकॉंग यांच्यात मॅच होईल. ग्रुप बी मधील बांगलादेश आणि अफगाणिस्तान यांच्यातील आगामी मॅच निर्णायक ठरू शकते.