IND vs SA : रोहित-विराटचं कमबॅक, टेस्टच्या 7 जणांना डच्चू, पहिल्या वनडेमध्ये अशी असणार भारताची Playing XI!

दक्षिण आफ्रिकेविरुद्ध टेस्ट सीरिज खेळलेल्या सात जणांना वनडे सीरिजमध्ये संधी मिळालेली नाही. बुमराह, मोहम्मद सिराज, अक्षर पटेल, साई सुदर्शन, देवदत्त पडिक्कल, शुभमन गिल आणि आकाश दीप यांची वनडे सीरिजसाठी निवड झाली नाही.

शुभमन गिल मानेच्या दुखापतीमुळे वनडे सीरिज खेळणार नाही, त्यामुळे यशस्वी जयस्वाल आणि ऋतुराज गायकवाड यांना संधी मिळू शकते. बराच काळ चांगलं क्रिकेट खेळूनही जयस्वालला वनडे क्रिकेटमध्ये बेंचवरच बसावं लागलं होतं. रविवारच्या सामन्यात जयस्वाल गिलच्या जागी मैदानात उतरू शकतो.

रोहित शर्मासोबत यशस्वी ओपनिंगला येईल, तर विराट तिसऱ्या क्रमांकावर बॅटिंग करेल. चौथ्या क्रमांकावर श्रेयस अय्यरच्या गैरहजेरीमध्ये तिलक वर्मा किंवा ऋषभ पंत यांना संधी मिळू शकते. चौथ्या क्रमांकावर ऋतुराजच्या नावाचाही विचार केला जाऊ शकतो.

कर्णधार केएल राहुल पाचव्या क्रमांकावर येईल, तर रवींद्र जडेजा, वॉशिंग्टन सुंदर आणि नितीश रेड्डी हे ऑलराऊंडर म्हणून खेळण्याची शक्यता आहे. याशिवाय हर्षित राणा आणि अर्शदीप सिंग हे दोघं फास्ट बॉलरना पहिली पसंती दिली जाईल.

स्पिन बॉलर म्हणून कुलदीप यादवचं टीममधील स्थान निश्चित आहे. भारताची संभाव्य प्लेइंग इलेव्हन- रोहित शर्मा, यशस्वी जयस्वाल, विराट कोहली, तिलक वर्मा, केएल राहुल, वॉशिंग्टन सुंदर, नितीश रेड्डी, रवींद्र जडेजा, हर्षित राणा, अर्शदीप सिंग, कुलदीप यादव