IND vs NZ : 6,6,6,6,4,4...संजू चालला नाही पण ईशानने धुवून काढलं, 200 च्या स्ट्राईक रेटने धावा

तिरूवनंन्तपुरममधील ग्रीनफिल्ड मैदानात सुरू असलेल्या सामन्यात टीम इंडियाचा सलामीवर संजू सॅमसन चालला नाही पण ईशान किशनने वादळी खेळी केली आहे.

ईशान किशनने या सामन्यात 28 बॉलमध्ये आपलं अर्धशतक पुर्ण केलं होतं. या दरम्यान त्याने 4 षटकार आणि तीन चौकार मारले होते.

विशेष म्हणजे अर्धशतक ठोकल्यानंतर ईशानची बॅट थांबली नाही याउलट त्याने ईश सोढीच्या दुसऱ्याच ओव्हरमध्ये षटकार आणि चौकारांचा पाऊस पाडला.

ईशान किशनेने ईश सोढीच्या ओव्हरमध्ये 4 चौकार आणि 2 मारले आणि एक व्हाईट अशाप्रकारे त्याने 29 धावा काढल्या. त्यामुळे ही या सीरीजमधली सर्वांत महागडी ठरली आहे.

ईशान पाठोपाठ आता सूर्य कुमार यादवने देखील 27 बॉलमध्ये अर्धशतक ठोकलं आहे. यामध्ये त्याने चार चौकार आणि चार षटकार मारले आहेत.

सूर्या आणि ईशानच्या या खेळीच्या बळावर भारताचा डाव हा 180 च्या धावांच्या पार गेला आहे.

खरं तर या मालिकेतील पहिल्या टी20 सामन्यात त्याने फक्त 8 धावा केल्या होत्या. त्यानंतर दुसऱ्या टी20 मध्ये त्याने 32 बॉलमध्ये 76 धावांची खेळी केली होती.