IPL 2026 Auction : रिकी पॉन्टिंग धोका देऊन गेला, ऑक्शनसाठी शेवटच्या क्षणी प्रिती झिंटाने बोलवला धुरंधर!

मागील आयपीएल हंगामात उपविजेत्या राहिलेल्या पंजाब किंग्जसाठी यंदाचा लिलाव महत्त्वाचा असणार आहे. आगामी ऑक्शनसाठी आता सर्वांची उत्सकुता वाढत असताना पंजाब किंग्जला मात्र मोठा धक्का बसला आहे.

पंजाब किंग्जचा स्टार कोच आणि ऑस्ट्रेलियाला एकदा दोनदा नाही तर चार वेळा वर्ल्ड कप जिंकून देणाऱ्या रिकी पॉन्टिंगने लिलावास येण्यास नकार दिला आहे. त्यामुळे प्रिती झिंटाला मोठा धक्का बसलाय.

पॉन्टिंग सध्या ऑस्ट्रेलिया आणि इंग्लंड दरम्यान सुरू असलेल्या अ‍ॅशेस मालिकेसाठी समालोचक पॅनेलचा भाग आहे. तो मालिकेच्या प्रसारक, 7 क्रिकेटशी करारबद्ध आहे आणि म्हणूनच तो या लिलावात सहभागी होणार नाही.

तब्बल 21 खेळाडू रिटेन केल्यानंतर पंजाब किंग्सकडे लिलावासाठी 11.50 कोटी इतकी रक्कम शिल्लक आहे. अशातच आता पंजाब किंग्जने नवा धुरंधर खास लिलावासाठी बोलवला आहे.

दरम्यान, हा धुरंधर दुसरा तिसरा कुणी नसून कॅप्टन श्रेयस अय्यर आहे. श्रेयस पंजाबच्या स्कॉडसोबत सामील झालाय. पंजाब किंग्जने धुरंधरचं टायटल सॉन्ग टाकून त्याचा व्हिडीओ देखील शेअर केलाय.