IND vs ENG : मालिका संपल्यानंतर Ravindra Jadeja निवृत्ती घेणार? 'त्या' एका फोटोने भारतीयांच्या काळजात चिर्रर्रर्रर्र...!

भारतीय टीमचा स्टार ऑलराऊंडर रवींद्र जडेजा याने इंग्लंडच्या मँचेस्टर क्रिकेट स्टेडियमवर सर्वांना प्रेरित करेल, अशी इनिंग खेळली. जडेजाने झुंजार खेळी करत शतक देखील ठोकलं.

मँचेस्टरमध्ये नुकत्याच संपलेल्या चौथ्या टेस्ट मॅचमध्ये जडेजाने शानदार शतक झळकावत भारताला ड्रॉ मिळवून देण्यात मोलाची भूमिका बजावली. त्याने या सिरीजमध्ये बॅट आणि बॉलने दोन्हीमध्ये दमदार प्रदर्शन केले आहे.

अशातच आता मॅच संपल्यावर जडेजाने असं काही केलं, की अनेकांचा आनंद क्षणात मावळला. जडेजाच्या एका कृतीने सर्वांना धक्का बसला आहे. सर्वांच्या मनात एक शंका घर करुन बसलीये.

रवींद्र जडेजा (Ravindra Jadeja) टेस्ट क्रिकेटमधून निवृत्त होणार असल्याच्या जोरदार अफवा सध्या सोशल मीडियावर सरत आहेत. त्याला कारण ठरलाय एक फोटो..!

इंग्लंडविरुद्धच्या सध्याच्या टेस्ट सिरीजमध्ये त्याच्या दमदार कामगिरीनंतरही या अफवांनी जोर धरला आहे. विशेष म्हणजे, त्याच्या या व्हायरल फोटोमुळे चर्चांना अधिकच उधाण आलं आहे.

टी-ट्वेंटी क्रिकेटमधून निवृत्ती घेतलेल्या जडेजा आता टेस्ट क्रिकेटमधून निवृत्तीची शक्यता व्यक्त केली जातीये. जडेजाने मॅच संपल्यानंतर पीचला हात लावून किस घेतली.

दरम्यान, आपल्या करियरमधील सर्वात झुंजार शतक असल्याने जडेजाने असं केलं, असं काहींचं म्हणणं आहे. तर जडेजा खेळत रहावा, असं मत देखील अनेकांनी व्यक्त केलं आहे.