पुणे : गेल्या काही दिवसांपासून राज्यात मुसळधार पाऊस पडत आहे. धरणक्षेत्रात चांगला पाऊस पडल्याने पुण्याला पाणीपुरवठा करणाऱ्या धरणांचा पाणीसाठा वाढला आहे. त्यामुळे पुणेकरांना दिलासा मिळाला आहे. मागील 24 तासांत 1.45 टीएमसी इतका पाणीसाठा जमा झाला आहे. हे पाणी पुण्याला महिनाभर पुरेल एवढे आहे. खडकवासला प्रकल्पातील पाणीसाठा 10.12 टीएमसी झाला आहे.
advertisement
खडकवासला धरण प्रकल्पातील खडकवासला, पानशेत, टेमघर आणि वरसगाव या चारही धरणांतील पाणीसाठा कमी होऊन 3.50 टीएमसी झाला होता. विशेष म्हणजे 2 जुलै रोजी खडकवासला धरण प्रकल्पात 4.55 टीएमसी पाणीसाठा होता. त्यानंतर पावसाचा जोर वाढला आणि नदी, ओढ्यांमधून धरणात पाणी येऊ लागल्याने जलसाठ्यात वाढ झाली.
Koyna Dam : कोयना धरण पाणलोट क्षेत्रात मुसळधार पाऊस, 'या' क्षेत्रातील परिस्थिती बिकट
सिंहगड परिसर मुठा खोऱ्यातही संततधार सुरू आहे. त्यामुळे आंबी, मोसे, मुठा नद्यांसह ओढे-नाले दुथडी भरून वाहत आहेत. पावसाचा जोर कायम राहिल्यास खडकवासला धरण 2 दिवसांतच भरून वाहील, असा अंदाज जलसंपदा विभागाने व्यक्त केला आहे.
चारही धरणातील वाढलेला पाणीसाठा -
खडकवासला धरणात आजचा पाऊस 11 मि.मी, उपलब्ध साठा 1.19 टीएमसी
पानशेत धरणात आजचा पाऊस 18 मि.मी, उपलब्ध साठा 4.43 टीएमसी
वरसगाव धरणात आजचा पाऊस 18 मि.मी, उपलब्ध साठा 3.58 टीएमसी
टेमघर धरणात आजचा पाऊस 35 मि.मी, उपलब्ध साठा 0.91 टीएमसी