डोळ्यांना सहन होत नाहीये... राष्ट्रवादीचे नेते रोहित पवार पुन्हा इमोशनल, बारामतीत काय घडलं?

मुंबई : अजित पवार यांच्या माघारी पक्षाचे नेतृत्व कोण करणार, याचे उत्तर त्यांच्या निधनानंतर अवघ्या ७२ तासांत महाराष्ट्राला मिळाले आहे. राष्ट्रवादीच्या सर्वच ज्येष्ठ नेत्यांनी वायू वेगाने सुनेत्रा पवार यांची गटनेतेपदी निवड करून वहिनींशिवाय दुसरे कुणीही नेतृत्व करणार नाही, याची यथोचित काळजी घेतली. दुसरीकडे मुंबईत या सगळ्या घडामोडी घडत असताना ज्येष्ठ नेते शरद पवार आणि त्यांच्या पक्षातल्या सुप्रिया सुळे, रोहित पवार, युगेंद्र पवार यांना अंधारात ठेवल्याचे सांगितले जाते. महत्वाचे म्हणजे आजच्या शपथविधीसंदर्भात आम्हाला काहीही माहीत नाही, असे शरद पवार यांनी जाहीरपणे सांगून सुनेत्रा पवार यांच्याशी आपल्याशी कोणताही संवाद झालेला नसल्याचे सूचित केले. या सगळ्या घडामोडींचे पडसाद बारामतीत देखील उमटत आहेत.