दर वाढीवर उद्योजकांचा नाराजीचा सूर
पिंपरी-चिंचवड एमआयडीसीकडून घरगुती ग्राहकांसोबत सुमारे 3,800 औद्योगिक ग्राहकांना पाणीपुरवठा केला जातो. यासाठी आधी प्रति घनमीटर 21 रुपये 50 पैसे दर आकारला जात होता. आता यात 2.75 रुपये वाढ करून नवीन दर 24 रुपये 25 पैसे केला गेला आहे. एमआयडीसी प्रशासनानुसार, 2013 नंतर म्हणजे तब्बल 12 वर्षांनी ही नाममात्र दरवाढ करण्यात आली आहे.पिंपरी चिंचवड उद्योगनगरीतील एमआयडीसीमध्ये लघु उद्योजकांची संख्या अधिक आहे. सध्या खड़े पडलेले रस्ते, सतत खंडित होणारा वीजपुरवठा याचा परिणाम व्यवसायावर होत असताना आता पाणी दरवाबीमुळे लघुउद्योजक चिंतेत आहेत.
advertisement
NHM Pune Bharti 2025: घाई करा! पुणे महानगर पालिकेसाठी नोकरीची संधी, शेवटची तारीख 7 ऑक्टोबर
पिंपरी-चिंचवड एमआयडीसी परिसरातील लघु उद्योजक विविध समस्यांनी त्रस्त आहेत. एमआयडीसीने नुकतीच पाणी दरात वाढ केली आहे. मुळात एमआयडीसीकडून नियमीत पाणीपुरवठा होत नाही; पाणी पुरेशा दाबाने येत नाही आणि आले तरी केवळ दोन तास येते. त्यामुळे उद्योजक त्रस्त आहेत. पाण्याच्या दरवाढीमुळे उद्योगांवर अतिरिक्त ताण आला आहे. लघु उद्योजक सलीम शिकलगार यांनी पाण्याचे दर कमी करून उद्योजकांना दिलासा द्यावा, अशी मागणी केली आहे.
आधीच उद्योग क्षेत्राला वीज दरवाढ, कच्च्या मालाचे वाढते भाव आणि कामगार तुटवडा अशा अनेक अडचणींना सामोरे जावे लागत आहे. महापालिकेलाही कर भरावा लागतो. त्यात पाण्याच्या दरवाढीमुळे उत्पादन खर्च आणखी वाढणार असून, लघु आणि मध्यम उद्योग सर्वात जास्त अडचणीत येतील, असे फोरम ऑफ स्मॉल स्केल इंडस्ट्रीज असोसिएशनचे अध्यक्ष अभय भोर यांनी सांगितले.