TRENDING:
रावेत उपसा केंद्र ही पुणे शहराच्या पाणीपुरवठ्याची महत्त्वाची यंत्रणा असून, येथून मोठ्या प्रमाणावर शहराला पाणीपुरवठा केला जातो. जलवाहिनी बाजूला हटविण्याचे काम हे नियोजित विकासकामाचा एक भाग असून, भविष्यातील अडचणी टाळण्यासाठी आणि सुरक्षित पाणीपुरवठा सुनिश्चित करण्यासाठी हे काम आवश्यक असल्याचे अधिकाऱ्यांनी स्पष्ट केले आहे. या काळात जलवाहिनीवरील दाब पूर्णतः बंद ठेवावा लागणार असल्याने बुधवारी संपूर्ण दिवस पाणीपुरवठा होणार नाही.
advertisement
पुणेकरांसाठी खुशखबर, हिंजवडी-शिवाजीनगर मेट्रो आता प्रत्यक्षात धावणार, महत्त्वाची चाचणी यशस्वी
या कामाचा फटका कळस, माळवाडी, जाधव वस्ती, गणेशनगर (बोपखेल), विश्रांतवाडीचा काही भाग, म्हस्के वस्ती, संजय पार्क, बर्माशेल परिसर, विमानतळ व परिसरातील नागरिकांना बसणार आहे. या भागांमध्ये राहणाऱ्या नागरिकांनी पाण्याचा साठा करून ठेवावा, तसेच उपलब्ध पाण्याचा काटकसरीने वापर करावा, असे आवाहन प्रशासनाकडून करण्यात आले आहे.
महानगरपालिकेच्या पाणीपुरवठा विभागाने नागरिकांना या नियोजित कामाची आगाऊ माहिती देत सहकार्य करण्याची विनंती केली आहे. पाणीपुरवठा पूर्ववत करण्यासाठी विभागाचे कर्मचारी युद्धपातळीवर काम करणार असून, कोणत्याही अडचणीसाठी नागरिकांनी संबंधित विभागाशी संपर्क साधावा.