Krishna Name: बाळकृष्णाची आहेत कित्येक नावं, पण पहिलं कोणतं होतं? जन्माशी संबंधित खास रहस्य

कृष्णाचे पहिले नाव आणि त्याचा अर्थ - श्रीकृष्णाचा जन्म मथुरेत झाला तेव्हा त्यांच्या आई-वडिलांनी त्याचे नाव कृष्ण असे ठेवले. कृष्ण या शब्दाचा साधा अर्थ काळा किंवा गडद रंगाचा असा होतो, कारण त्यांचा वर्ण सावळा होता. जन्मानंतर काही वेळातच वासुदेवांनी त्याला गोकुळात नंद आणि यशोदा यांच्या घरी सुरक्षित पोहोचवले. गोकुळात त्याचे लहानपण गेले आणि तिथेच कृष्णाला गोविंद, मुरारी, कन्हैया अशी अनेक नावे मिळाली. मात्र जन्मावेळी ठेवलेले कृष्ण हेच त्याचे पहिले आणि सर्वात ओळखले जाणारे नाव ठरले. या नावातून कृष्णाचे सौंदर्य, आकर्षण आणि दैवीपण व्यक्त होते, असे मानले जाते.

advertisement

जन्म आणि बालपणातील खास घटना - कृष्णाचा जन्म अष्टमीच्या रात्री झाला आणि त्या वेळी अनेक चमत्कार घडले, असे सांगितले जाते. कृष्णाच्या जन्माच्या क्षणीच तुरुंगातील साखळ्या आपोआप तुटल्या आणि रक्षक गाढ झोपेत गेले. वासुदेवांनी रात्रीच्या अंधारात, यमुना नदीला आलेल्या पुरातून मार्ग काढत, कृष्णाला गोकुळात नेले. गोकुळात कृष्णाच्या बाललीला आजही लोक आवडीने सांगतात. लोणी चोरणे, गोपाळांसोबत खेळणे, गोपिकांशी खोड्या काढणे आणि गाईंना सांभाळणे यामुळे कृष्णाला अनेक लाडकी नावे मिळाली. तरीसुद्धा कृष्ण हे मूळ नावच त्याच्या दैवी शक्ती आणि अद्भुत अस्तित्वाचे प्रतीक मानले जाते.

सरता जानेवारी भाग्य उजळून जाणार; उरलेत फक्त 24 तास, 3 राशींचा सुवर्णकाळ आलाच

नावाचे महत्त्व आणि भक्ती - कृष्णाचे नाव हे फक्त ओळख म्हणून महत्त्वाचे नाही, तर भक्तांसाठी ते प्रेम, श्रद्धा आणि मुक्तीचा मार्ग आहे. जुने ग्रंथ आणि कथा सांगतात की कृष्ण नामाचा जप किंवा उच्चार केल्याने घरात सुख, शांती आणि सकारात्मक ऊर्जा येते. श्याम, मुरारी, गोविंद अशी त्याची वेगवेगळी नावे त्याच्या स्वभावाचे आणि जीवनातील विविध पैलू दाखवतात. कृष्णाचे जीवन, त्यांची कृत्ये आणि त्यांच्या नावामधील अर्थ आजही भक्तांना प्रेम, नीती आणि योग्य मार्गावर चालण्याची प्रेरणा देत राहतात.