TRENDING:
मंदिराचे वैशिष्ट्य:
पंढरपूरसारखी रचना
मंदिराची संपूर्ण रचना हुबेहूब पंढरपूरच्या श्री विठ्ठल-रुक्मिणी मंदिरासारखी आहे. विठोबाची उभी मूर्ती, समोर ठेवलेली पादुका, आणि रुक्मिणीमातेची शेजारी मूर्ती पाहताक्षणी भाविकांची नजर थांबते आणि मन विठ्ठलनामात हरवून जातं.
Ashadhi Ekadashi 2025: आषाढी एकादशीला उपवास धरताय? पण ही चूक पडू शकते आरोग्यासाठी महाग
advertisement
गाभारा आणि तुळशी वृंदावन
मंदिराचा गाभारा मोठा, प्रशस्त आणि शांततेने भरलेला आहे. मंदिरात प्रवेश करताच सर्वप्रथम लक्ष वेधून घेतं ते म्हणजे सुशोभित तुळशी वृंदावन. जिथे भक्त तुळशीची प्रदक्षिणा घालतात, पाणी घालतात आणि संकल्प करतात. मंदिराच्या संपूर्ण परिसरात फुलांचा सुवास आणि मंत्रोच्चार ऐकायला मिळतो.
संतांच्या मूर्ती आणि वारकरी परंपरा
या मंदिरात संत तुकाराम, संत नामदेव, संत ज्ञानेश्वर यांच्याही मूर्ती आहेत. त्यांच्या पाया पडताना भाविकांना एक वेगळीच ऊर्जा मिळते. येथे वारकरी संप्रदायाशी संबंधित भजन, हरिपाठ, नामस्मरणाचे कार्यक्रम नियमितपणे होतात.
आषाढी एकादशीची तयारी
यावर्षी आषाढी एकादशी 6 जुलै, रविवार रोजी साजरी होत आहे. त्यानिमित्ताने मंदिरात विशेष पूजा, अभिषेक, भजन-संध्या आणि महाप्रसादाचं आयोजन केलं जाणार आहे. स्थानिक नागरिक, वारकरी मंडळे आणि महिला मंडळे यामध्ये सक्रिय सहभाग घेत आहेत.
सजावट आणि भक्तांची गर्दी
मंदिर सध्या लाल-पिवळ्या झेंडूच्या फुलांनी सजवलेलं आहे. रोज शेकडो भाविक येथे दर्शनासाठी येत असून, पंढरपूरला न जाता मुंबईतच विठ्ठलाच्या चरणी डोळे टेकवण्याचा आनंद अनुभवत आहेत.