अमित ठाकरे आणि आदित्य ठाकरे शिवसेना भवनात उमेदवारांना मार्गदर्शन करण्यासाठी आले आहेत. तेव्हा मनसे नेते अमित ठाकरे म्हणाले, "तुम्हाला उमेदवारी मिळाली आहे. तर कार्यकर्त्यांचे धन्यवाद मानायला पाहिजे. कारण कुणीही एबी फॉर्म गिळले नाहीत.कुणीही मारामारी केली नाही. ही खरी निष्ठा. आताच्या राजकारणात हे कमी पाहायला मिळतं."

उमेदवारी अर्ज मागे घेण्याचा आज शेवटचा दिवस होता.राज्यात अनेक ठिकाणी गोंधळ पाहायला मिळाला. त्यातच आता सोलापुरात अर्ज मागे घेताना भाजप उमेदवाराची पेलिसांसोबत बाचाबाची झाल्याचा प्रकार घडला आहे. राजू पाटील आणि सुरेश पाटील यांच्या समर्थकांमध्ये हुज्जत झाली.

ठाणे पालिकेमध्ये 4 शिवसेना उमेदवार बिनविरोध निवडून आले आहेत. त्यामुळे विरोधकांना मोठी चिंता निर्माण झाली आहे. प्रचाराच्या आधीच बिनविरोध उमेदवार निवडूण आले आहेत. त्यात प्रभाग क्र.17 अ एकता भोईर, प्रभाग क्र.18 ब जयश्री रविंद्र फाटक, प्रभाग क्र.18 क सुखदेव मोरे, राम रेपाळे प्रभाग क्र.18 ड हे विजयी झाले आहेत.

राज्यात निवडणुकीच्या वातावरणात अनेक ठिकाणी काही ना काही घटना घडताना दिसत आहेत. नाशिकमध्ये अर्ज माघारीच्या शेवटच्या दिवशी जोरदार राडा झाला आहे. भाजपचे अधिकृत आणि बंडखोर उमेदवाराच्या पतीमध्ये राडा झाल्याची घटना घडली आहे. देवानंद बिरारी आणि बाळा शिरसाट या दोन उमेदवारांमध्ये नाशिकमध्ये हाणामारी झाली आहे.

तेलंगणामध्ये पोलिसांसमोर माओवाद्यांनी आत्मसमर्पण केलं आहे. पीपल्स लिबरेसन गोरीला आर्मी बटालयीन माओवादीचा मुख्य कमांडर बारसे देवा आहे. यासाठी 3 कोटींचं बक्षीस ठेवण्यात आले होते. यांच्या आत्मसमर्पणामुळे माओवादी संघटनांची आशा मावळली आहे.

साताऱ्यात मुख्यमंत्री देवेंद्र फडणवीस यांच्याकडून नवनिर्वाचित नगरसेवकांचं अभिनंदन करण्यात आले. तेव्हा ते म्हणाले,"सातारा जिल्ह्यामध्ये इतकं प्रचंड यश हे भारतीय जनता पक्षाला पहिल्यांदाच प्राप्त झालं आहे. या सातारा जिल्ह्याने इतर सगळ्या पक्षाला भूईसपाटच केले आहे. अशा प्रकारची निवडणुक या आधी कधीच पाहायला मिळाली नाही."