छत्रपती संभाजीनगर : तालुक्यातील पैठण रोडवरील गेवराई येथे गणेश तागडे हा तरुण 4 वर्षांपासून नाश्ता सेंटर चालवत आहे. विघ्नहर्ता आप्पा वडेवाले म्हणून या नाश्ता सेंटरचे नाव असून त्यांच्याकडे वडापाव, मिसळपाव, भजी यासह विविध प्रकारचे पदार्थ मिळतात. पैठण, चितेगाव यासह विविध भागातून खवय्ये त्यांच्याकडे नाश्त्यासाठी येत असतात. त्यामुळे 1 हजार ते बाराशे वडापाव दररोज विक्री होतात. या नाष्टा सेंटरच्या माध्यमातून तागडे यांची दररोज 30 हजार रुपयांपर्यंत उलाढाल होत असते, तसेच महिन्यासाठी खर्च वजा निव्वळ नफा दीड ते 2 लाख रुपयांपर्यंत मिळत असल्याचं त्यांनी सांगितलंय.

नागपुरात काँग्रेसचे उमेदवार शिवानी चौधरी यांचे कार्यालय जाळले आहे, असा आरोप भाजप कार्यकर्त्यांवर काँग्रेसने केला आहे. काँग्रेसचे कार्यकर्ते रात्री उशीरा पर्यंत कार्यालयात थांबले होते. ते गेल्यावर भाजप कार्यकर्त्यांनी हा कारनामा केल्याचे काँग्रेसचे कार्यकर्ते म्हणत आहेत.

नाशिकमध्ये भाजपचे प्रभाग १७ मधील उमेदवार दिनकर आढाव यांच्या कारमध्ये पैसे सापडले आहेत.कारसह २ लाखांची रक्कम जप्त झाली आहे. तर विरोधकांनी मतदारांना पैसे वाटप केल्याचा आरोप त्यांच्यावर लावला आहे.

भिवंडीत कोणार्क विकास आघाडीच्या समर्थकांना मारहाण झाली आहे. ही मारहाण माजी महापौर उल्हास पाटील यांच्या उमेदवारांना भाजपा आमदार महेश चौघुले यांच्या कार्यकर्त्यांकडून झाली आहे.

नाशिकच्या सुधाकर बडगुजर यांच्या कार्यालयाबाहेर गोंधळ झाला आहे. पैसे वाटप होत असल्याच्या अफवेमुळे नागरिकांची गर्दी कार्यालयात झाली आहे. तेथील अधिकाऱ्यांनी गर्दी करणाऱ्या लोकांवर काठ्यांनी मार दिला आहे.

अमरावती : थंडीच्या दिवसांत गरमागरम भजी खाण्याची मजा काही वेगळीच असते. बटाट्याच्या भजीसोबतच कच्च्या केळीची भजी देखील अनेकांना आवडते. आरोग्यदृष्ट्या फायदेशीर आणि चवीला अप्रतिम अशी ही भजी घरी सहज करता येतात. कच्ची केळी ही फायबर, पोटॅशियम आणि आवश्यक पोषक घटकांनी भरलेली असते. त्यामुळे पचन सुधारण्यास मदत होते. योग्य मसाल्यांच्या संगतीने तयार केलेली कच्च्या केळीची भजी कुरकुरीत लागतात. जाणून घ्या, रेसिपी.