'यूज डिपर ॲट नाईट', देशातील महामार्गांवर धावणार्‍या ट्रक मागे हे वाक्य अनेकदा दिसतं.या ओळीचा शब्दशः अर्थ 'तुम्ही रात्री गाडी चालवताना डिपर दिवे वापरा', असा आहे.
वाहनांमध्ये लावलेल्या हेड लॅम्पमध्ये डिपर लाइटचा पर्याय दिला जातो. हेड लॅम्पचं फोकस डिपरच्या प्रकाशात वाढतं. फोकस रस्त्याच्या सरळ समांतर होतो. याच्या मदतीने तुम्ही दूरच्या गोष्टी सहज पाहू शकता.
advertisement
OMG! हे कसं झालं? लोको पायलटशिवाय धावू लागली ट्रेन; तीही रूळांऐवजी शेतात; Video Viral
त्यामुळे ट्रकच्या मागे लिहिलेल्या या वाक्याचा अर्थ रात्री गाडी चालवतो तेव्हा दूरच्या गोष्टी पाहण्यासाठी डिपर लाइटचा वापर केला पाहिजे, असा तुम्हाला वाटेल. पण, ट्रकच्या मागे 'यूज डिपर ॲट नाईट' असं लिहिलेलं आहे, याचा अर्थ असा नाही. तुम्हाला आश्चर्य वाटेल पण या वाक्याचा डिपर लाईटशी काहीही संबंध नाही.
मग ट्रकमागील 'यूज डिपर ॲट नाईट' म्हणजे काय?
वास्तविक, 'यूज डिपर ॲट नाईट' ही जनजागृती मोहिमेची टॅग लाइन आहे. सरकार आणि स्वयंसेवी संस्थांनी सुमारे दशकभरापूर्वी टाटा मोटर्सच्या सहकार्याने ही मोहीम सुरू केली होती.
टाटा मोटर्स ही देशातील सर्वात मोठी ट्रक उत्पादक कंपनी आहे. देशातील महामार्गांवर धावणारे बहुतांश ट्रक या कंपनीचे आहेत. ट्रक चालकांमध्ये सुरक्षित वाहन चालवण्याबाबत जागरूकता निर्माण करण्यासाठी टाटा मोटर्स, सरकार आणि स्वयंसेवी संस्थांनी संयुक्तपणे ही मोहीम राबवली आणि ही टॅग लाइन तयार करण्यात आली. ही टॅग लाइन रेडिफ्यूजन Y&R जाहिरात एजन्सीने तयार केली होती.
डिपर हे कंडोम ब्रँडचे नाव आहे. रात्री सेक्स करताना डिपर कंडोम वापरावा असा त्याचा स्पष्ट संदेश आहे.
ट्रकवर कंडोम बाबत जनजागृती का?
संशोधनात असं आढळून आलं की देशातील ट्रक चालक मोठ्या संख्येने लैंगिक संक्रमित रोग (STD) आणि एड्सने ग्रस्त आहेत. हे घडण्यामागील मुख्य कारण म्हणजे ट्रकचालक दीर्घकाळ त्यांच्या कुटुंबापासून दूर राहतात. अशा परिस्थितीत त्यांनी संबंध बनवण्याची गरज पूर्ण करण्यासाठी अवैध मार्गांचा अवलंब केला. कुटुंबापासून दूर राहिल्यामुळे ट्रक चालकांचे अनेकदा असुरक्षित संबंध होते. ते शारीरिक संबंध ठेवताना योग्य संरक्षण म्हणजे कंडोमचा वापर क्वचितच करत.
या समस्या लक्षात घेऊन स्वयंसेवी संस्था आणि सरकारने वाहनचालकांना जागरूक करण्यासाठी मोहीम सुरू केली . यामध्ये देशातील आघाडीची ट्रक उत्पादक कंपनी टाटा मोटर्सने सहकार्य केले. एड्स आणि एसटीडीसारख्या आजारांशी लढण्यासाठी ही मोहीम खूप लोकप्रिय झाली.