शाकंभरी नवरात्रीत दररोज महिलांनी करा विशेष मंत्राचा जप; काही कमी पडणार नाही

Shakambari Navratri Utsav 2026 : हिंदू धर्मात वर्षातून चार मुख्य नवरात्री साजऱ्या केल्या जातात, त्यापैकी एक म्हणजे शाकंभरी नवरात्र. पौष महिन्यातील शुक्ल पक्षाच्या अष्टमीपासून सुरू होणारा हा उत्सव पौर्णिमेपर्यंत चालतो. हे नवरात्र निसर्ग, वनसंपदा आणि अन्नाचे रक्षण करणाऱ्या 'माता शाकंभरी'ला समर्पित आहे. पौराणिक कथेनुसार, जेव्हा पृथ्वीवर भीषण दुष्काळ पडला होता, तेव्हा देवीने आपल्या शरीरातून विविध प्रकारच्या भाज्या, फळे आणि धान्य उत्पन्न करून जगाचे पोषण केले होते, म्हणून तिला 'शाकंभरी' असे नाव पडले.