भारतीय कंपनीची 'ही' बाइक तब्बल 20 देशांमध्ये नंबर 1 वर, महाराष्ट्रात आहे खास ऑफर

२००१ मध्ये लाँच झालेल्या पल्सर मालिकेनं १७ वर्षांत (२००१-२०१८) १ कोटी विक्रीचा टप्पा ओलांडला, तर पुढील १ कोटी युनिट्स फक्त ६ वर्षांत (२०१९-२०२५) विकल्या गेल्या. कंपनीच्या अधिकृत पत्रक प्रसिद्ध केलं आहे. पल्सर सध्या २० हून अधिक देशांमध्ये अव्वल स्थानावर आहे. ज्यामध्ये लॅटिन अमेरिका, दक्षिण आशिया आणि मध्य पूर्वेतील प्रमुख मार्केटमध्ये समावेश आहे.  "५०+ देशांमध्ये २ कोटींचा टप्पा ओलांडणे हे आमच्या ग्राहकांच्या विश्वासाचे आणि निष्ठेचे प्रतीक आहे. हा टप्पा गाठल्यानंतर एप्रिलमध्ये निवडक पल्सर मॉडेल्सवर विशेष अशी ऑफर देत आहोत, अशी माहिती बजाज ऑटो लिमिटेडच्या मोटरसायकल बिझनेस युनिटचे अध्यक्ष सारंग कानडे यांनी दिली.