जुगाड नाही तर टॅलेंट! दुचाकीच्या इंजिनवर बनवली अनोखी जीप; आता मिळाली 'मिनी विमाना'ची ऑर्डर

सतीश मुंडे आपल्या वर्कशॉपमध्ये विविध प्रकारचे प्रयोग नेहमी करत असतो. यापूर्वी ट्रॅक्टर, हेलिकॉप्टरचे प्रयोग यशस्वी झाले. त्याची माहिती समाज माध्यमांवर प्रचंड व्हायरल झाली. त्यामुळे नाशिक येथून एक मिनी जीप तयार करण्याची ऑर्डर मिळाली. ही मिनी जीप तयार करण्यासाठी साधारणपणे चार महिन्यांचा कालावधी लागला.

या मिनी जीपला इतर गाड्यांप्रमाणे चालू बंद करण्यासाठी स्विच बसवण्यात आले आहे. हेडलाईट ऑन ऑफ करण्यासाठी वेगळे स्विच आहे. तसेच पाठीमागच्या बाजूला पार्किंग करण्यासाठी इंडिकेटर आणि स्वतंत्र स्विच यंत्रणा आहे. दुचाकी प्रमाणे गिअर दिलेले आहेत. विशेषतः ही मिनी जीप लहान मुलांसाठी आहे, मात्र या जिपला मोठे व्यक्ती देखील चालू शकतात. तसेच कृषी पर्यटन केंद्र, हुरडा स्टॉल सारख्या ठिकाणी व हॉटेल, रेस्टॉरंट आणि पार्क सारख्या विविध ठिकाणी ही गाडी वापरता येते.